जळगाव, लोकशाही न्यूज नेटवर्क
जळगाव शहरातील समता नगरमध्ये ३० वर्षीय महिलेसह दीराला शिवीगाळ करून मारहाण केल्याची घटना मंगळवारी २६ सप्टेंबर रोजी रात्री साडेआठ वाजेच्या सुमारास घडली आहे. याप्रकरणी रामानंद नगर पोलीस ठाण्यात एकावर गुन्हा दाखल करण्यात आला.
राणी सलीम शेख (वय ३०, रा. समता नगर, जळगाव) या महिला आपल्या परिवारासह राहतात. २६ सप्टेंबर मंगळवारी रात्री ८.३० वाजेच्या सुमारास त्याच्या घराची वीजेची वायर कट केल्याचे विद्यूत प्रवाह खंडीत झाला होत. त्यावेळी राणी शेख यांचा दीर तन्वीर शेख हा घराबाहेर आला तेव्हा संशयित आरोपी अनवर शेख इब्राहिम शेख याच्यासह इतर दोन ते तीन जण बसलेले होते. तन्वीर शेख म्हणाला की, कुणीतरी विजेची वायर कट केली. असे बोलल्याचा राग आल्याने अनवर शेख इब्राहिम शेख याला शिवीगाळ करून मारहाण केली. त्यावेळी राणी सलीम शेख ह्या मध्यस्थी करण्यासाठी गेल्या असता त्यांना देखील मारहाण केली व चाकूसारख्या वस्तूने मारून हाताला दुखापत केली.
दरम्यान महिलेने रामानंदनगर पोलीसात तक्रार दिली. त्यांनी दिलेल्या तक्रारीवरून संशयित आरोपी अनवर शेख इब्राहिम शेख रा. समता नगर, जळगाव याच्या विरोधात रामानंदनगर पोलीसात गुन्हा दाखल करण्यात आला असून याप्रकरणी पुढील तपास पोहेकॉ निलेश पाटील करीत आहे.
