थायलंड येथे संयुक्त राष्ट्र कौन्सिलचा वैशाख महोत्सव संपन्न

मुक्ताईनगर ;लोकशाही न्युज नेटवर्क –

बँकॉक येथे संयुक्त राष्ट्र कौन्सिलच्या वतीने थायलंड बँकॉक येथे 19 व 20 तारखेला आयोजित वैशाक उत्सव कार्यक्रमाला भारतातून धम्मकार्यात कार्यरत असलेले डॉ.अ.फ. भालेराव (साहित्यिक ) हे उपस्थित होते. यावेळी भदंत विरत्न महाथेरो, सिने अभिनेते डॉ.गगन मालिक यांची उपस्थिती होती. वैशाख पौर्णिमेला बुद्धांचा जन्म झाला तसेच ज्ञान प्राप्तीही झाली व बुद्धांचे महापरिनिर्वाण ही वैशाख पौर्णिमेला झाले आहे. संयुक्त राष्ट्र संघाने 1999 मध्ये आपल्या आमसभेत संयुक्त राष्ट्र दिवस म्हणून मान्यता दिली आहे. न्यूयॉर्क येथे संयुक्त राष्ट्र संघाच्या मुख्य कार्यालयात 2001 या वर्षात साजरा करण्यात आला होता. इंटरनॅशनल कौन्सिल फॉर वैशाख दिन ज्याला युनायटेड नेशन इकॉनोमिक व सोशल कौन्सिल सह सल्लागार दर्जा मिळाला आहे. 19 वा संयुक्त राष्ट्र दिवस वैशाख महोत्सव 19 व 20 मे 2024 रोजी थायलंड देशात आयोजित करण्यात आला होता. महोत्सवाचे आयोजन अयुथ्या येथील महाचुलालोंग कॉर्न राजा टोरियम हॉल व बँकॉक येथील संयुक्त राष्ट्र परिषद केंद्र महा मुकुंट बौद्ध विद्यापीठ थायलंड येथील सांस्कृतिक मंत्रालयाच्या धार्मिक व्यवहार विभाग आणि बौद्ध धर्माचे कार्यालय हे प्रमुख आयोजक होते. सर्वोच्च संघ परिषद आणि रॉयल सरकारच्या माध्यमाने हा 19 वा संयुक्त राष्ट्र दिवस विश्वास आणि एकता निर्माण करण्याचा बौद्ध मार्ग या विचाराने साजरा करण्यासाठी आयोजित केला जात आहे. या कार्यक्रमाला महाराष्ट्रातून डॉ. हत्ती अंबिरे, सुलेखाताई कुंभारे (माजी मंत्री), डॉ.अ.फ.भालेराव, प्रा. छबन गडकर (पुणे), डॉ सुखदेवे (चंद्रपूर), तसेच विनय बोधी (नागपूर)
यांचीही उपस्थिती होती.