पराभवानंतर टीम इंडियाला मोठा झटका; दोन स्टार खेळाडू पुढील कसोटीतून बाहेर…

 

क्रीडा, लोकशाही न्यूज नेटवर्क;

 

भारत आणि इंग्लंड यांच्यात पाच सामन्यांची कसोटी मालिका खेळवली जात आहे. या मालिकेतील पहिल्या सामन्यात टीम इंडियाला 28 धावांनी पराभव स्वीकारावा लागला होता. या पराभवानंतर आता भारतीय संघाला आणखी एक मोठा धक्का बसला आहे. संघातील दोन खेळाडू पुढील कसोटी सामन्यातून बाहेर झाले आहेत. या दोन्ही खेळाडूंनी पहिल्या कसोटी सामन्यात शानदार फलंदाजी केली होती. मात्र दुखापतीमुळे दोन्ही खेळाडूंना बाहेर व्हावे लागले. हे दोन खेळाडू दुसरे कोणी नसून केएल राहुल आणि रवींद्र जडेजा आहेत.

पहिल्या कसोटीत अप्रतिम कामगिरी केली

इंग्लंडविरुद्धच्या पहिल्या कसोटी सामन्यात टीम इंडियाला २८ धावांनी पराभव स्वीकारावा लागला होता, त्यामुळे या मालिकेत ते ०-१ ने पिछाडीवर आहेत. भारतीय संघाचा पराभव आणि या दोन खेळाडूंना वगळण्यात आल्याने रोहित शर्माचा तणाव दुपटीने वाढला आहे. वास्तविक, या दोन्ही खेळाडूंनी पहिल्या कसोटीत चांगली फलंदाजी केली होती, त्यामुळे भारताला 190 धावांची आघाडी मिळाली होती. पहिल्या कसोटी सामन्यात केएल राहुलने 86 तर रवींद्र जडेजाने 87 धावा केल्या. अशा स्थितीत दोन्ही खेळाडूंच्या अनुपस्थितीमुळे संघाला प्लेइंग 11 निवडण्यात मोठ्या अडचणींचा सामना करावा लागणार आहे. या दोन खेळाडूंना वगळल्यानंतर बीसीसीआयनेही रिप्लेसमेंट जाहीर केली. दुसऱ्या कसोटी सामन्यासाठी तीन खेळाडूंचा संघात समावेश करण्यात आला आहे.

दुसऱ्या कसोटी सामन्यासाठी टीम इंडियाचा संघ

रोहित शर्मा (कर्णधार), शुभमन गिल, यशस्वी जैस्वाल, श्रेयस अय्यर, केएस भरत (यष्टीरक्षक), ध्रुव जुरेल (यष्टीरक्षक), रविचंद्रन अश्विन, अक्षर पटेल, कुलदीप यादव, मोहम्मद सिराज, मुकेश कुमार, जसप्रीत बुमराह, अवेश खान, रजत खान. , सरफराज खान, वॉशिंग्टन सुंदर, सौरभ कुमार.

कसोटी मालिकेसाठी इंग्लंड संघ

बेन स्टोक्स (कर्णधार), जॅक क्रॉली, बेन डकेट, रेहान अहमद, डेन लॉरेन्स, जॉनी बेअरस्टो (यष्टीरक्षक), शोएब बशीर, बेन फोक्स (यष्टीरक्षक), जेम्स अँडरसन, गस ऍटकिन्सन, टॉम हार्टले, जॅक लीच, ऑली पोप, ऑली रॉबिन्सन , जो रूट, मार्क वुड.