हरियाणा, लोकशाही न्यूज नेटवर्क
आजकाल कोण अजब गजब प्रेमाच्या घटना आपण पाहत असतो. मात्र हरियाणातील ही घटना ऐकून ठुम्ही प्रचंड शॉक व्हाल. एका व्यक्तीनं आपली पत्नी आणि 4 मुलांना सोडून चक्क सख्ख्या मेहुणीसोबतच संसार थाटला आहे. इतकेच नव्हे तर ज्या मेव्हणीला घेऊन हा पळाला तिला पाच मुलं असल्याची माहिती समोर आली असून या घटनेची माहिती मिळताच दोन्ही कुटुंबांनी तक्रार दाखल केली आहे.
सर्वांनाच धक्का
मिळालेल्या माहितीनुसार, सलीम हा तरुण मूळचा उत्तर प्रदेशातील फारुखाबादचा रहिवासी आहे. सलीम त्याची मेहुणी असल्याचे भासवणाऱ्या आपल्या भावाच्या पत्नीसह पळून गेला. ही घटना उघडकीस आल्यानंतर सर्वांनाच धक्का बसला आहे. मेहुणीला 5 मुलं असून आरोपी तरुणाला 4 मुलं आहेत. आणखी एक धक्कादायक बाब म्हणजे, मेहुणीला घेऊन पसार झालेल्या तरुणाची पत्नी पाचव्यांदा गरोदर आहे.
पत्नी पाचव्यांदा गरोदर
जेव्हा आरोपीची पत्नी पाचव्यांदा गरोदर राहिली, तेव्हा आरोपी त्याच्या मेहुणीला पत्नीला सांभाळण्यासाठी, तिची काळजी घेण्यासाठी घरी घेऊन आला. त्यानंतर त्याच मेहुणीला घेऊन पसार झाला. मेहुणा आणि मेहुणी फरार झाल्याचं तब्बल पाच दिवसांनी कुटुंबीयांच्या लक्षात आलं. त्यानंतर कुटुंबीयांनी तात्काळ स्थानिक पोलिसांत धाव घेतली आणि तक्रार दाखल केली.
बऱ्याच काळापासून प्रेमसंबंध
पोलिसांनी दिलेल्या माहितीनुसार, आरोपी मुळचा उत्तर प्रदेशातील फरुखाबादचा राहणारा आहे. कर्नालच्या घरोंड्यातील एका गावात आरोपी आपल्या कुटुंबासह राहत होता. त्याला चार मुलं असून त्याची पत्नी आता पाचव्यांदा गरोदर आहे. पत्नीची काळजी घेण्यासाठी आरोपी मेहुणीला आणायला तिच्या घरी गेला. तिनं वारंवार बहिणीकडे जाण्यासाठी विरोध केला, मात्र कुटुंबीयांनी जबरदस्तीनं तिला आरोपीसोबत बहिणीची काळजी घेण्यासाठी पाठवलं. मेहुणा आणि मेहुणीचे बऱ्याच काळापासून प्रेमसंबंध होते. मात्र, याबाबत कुटुंबीयांना काहीच कल्पना नव्हती. आता 6 ते 7 दिवस झाले असून पसार झालेल्या आरोपी आणि महिलेबाबत कोणतीच माहिती पोलिसांच्या हाती लागलेली नाही.
