कर्नाटक, लोकशाही न्यूज नेटवर्क;
कर्नाटकातील गदग जिल्ह्यात एका वृद्ध महिलेने आपल्या नऊ महिन्यांच्या नातवाची हत्या केल्याचा आरोप आहे. सूत्रांनी शनिवारी ही माहिती दिली. मृत अद्विकची आई नागरत्ना यांनी गजेंद्रगड पोलिस ठाण्यात तक्रार दाखल केली की, सासू सरोजा हिने मुलाचा खून केला आहे.
जाणून घ्या संपूर्ण प्रकरण…
नागरत्ना यांनी तक्रारीत म्हटले आहे की, प्रसूतीनंतर पाच महिन्यांनी ती सासरच्या घरी परतली. मात्र इतक्या कमी वयात मातृत्व स्वीकारल्याबद्दल तिची सासू सरोजा यांनी नाराजी व्यक्त केली. फिर्यादीनुसार, महिलेने येथेच न थांबता मुलाला सुपारी आणि पाने गिळण्यास भाग पाडले ज्यामुळे त्याचा मृत्यू झाला. 22 नोव्हेंबर रोजी अंत्यसंस्कार करण्यात आले.
मृतदेह कबरीतून बाहेर काढला
महिलेच्या तक्रारीच्या आधारे 24 नोव्हेंबर रोजी मृतदेह कबरीतून बाहेर काढून पोस्टमॉर्टमसाठी पाठवण्यात आला. दरम्यान, आरोपी आजीने आपल्या सुनेचे आरोप फेटाळून लावत स्वत:ला निर्दोष घोषित केले आहे. याप्रकरणी पोलीस पुढील तपास करत आहे.
