चोपडाः – शहरातील बोरसे नगर जवळील ओम नगर येथील माधव अपार्टमेंट फ्लॅट नंबर पाच मध्ये विलास भास्कर बोरसे यांच्या घराचा अज्ञात चोरट्यानी कड़ीकोंडा, कुलूप तोडून घरातून ४२ हजार रुपयांचे सोन्याचे दागिने चोरून नेल्याची घटना दि. १२ रोजी घडली आहे.
शहरातील ओमनगर येथील रहिवासी असलेले विलास भास्कर बोरसे यांच्या घरात अज्ञात चोरटे कुलूप तोडून अनाधिकृतपणे घरात प्रवेश करून घरातील बेडरूम मधील गोदरेज कपाटात असलेले सोने व चांदीचे दागिने तसेच रोख रक्कम असा एकूण ४२ हजार रुपयांचा मुद्देमाल चोरट्यानी चोरून नेला आहे. विलास बोरसे यांच्या फिर्यादीवरून चोपडा शहर पोलीस स्टेशनला अज्ञातांविरुद्ध गुन्हा दाखल करण्यात आलेला आहे.