जळगाव , लोकशाही न्यूज नेटवर्क
बंद घराचा कडी कोयंडा तोडून अज्ञात चोरट्याने घरातील रोकड , टीव्ही आणि दुचाकी लंपास केल्याचा प्रकार शहरात शिव कॉलनी येथे उघडकीस आला असून याप्रकरणी रामानंद नगर पोलिसांत गुन्हा दाखल करण्यात आला आहे.
याबाबत सूत्रांनी दिलेली माहिती अशी कि , शहरातील नंदनवन कॉलनीत राहणारे डॉ. सुशील पोलाद गुर्जर वय ४८ यांच्या घराचा कांडीकोयंडा तोडून अज्ञात चोरट्याने आत प्रवेश करून ११ हजारांची रोकड, २० हजारांची ऍक्टिव्हा मोपेड गाडी क्रमांक एम एच १९- सीजी ३९१० , १० हजार रुपये किमतीचा टीव्ही असा एकूण ४१ हजारांचा ऐवज लांबविल्याची घटना २९ एप्रिल रोजी ते ६ मे दरम्यान घडली . याप्रकरणी डॉ. सुशील गुर्जर यांनी दिलेल्या फिर्यादीवरून रामानंद नगर पोलीस स्टेशनला गुन्हा दाखल करण्यात आला असून तपास पोहेकॉ सुशील चौधरी करीत आहे.
