लोकशाही न्यूज नेटवर्क
चीनमध्ये कोविड संसर्गाची अलीकडील वाढ पूर्वीपेक्षा वेगवान आहे. चीनच्या स्मशानभूमी आणि अंत्यसंस्कार गृहांमध्ये मृत्यू झालेल्यांची संख्या कोरोनाव्हायरसमुळे जागतिक मृत्यूंपैकी एक महत्त्वपूर्ण भाग आहे.चीनचा शेजारी जपानही त्याच्याच पावलावर पाऊल टाकत असून, तेथे २४ तासांत जवळपास दोन लाख कोरोना रुग्ण आढळले आहेत.
चीनमधील मृत्यूचे वास्तव दाखविणारी उपग्रह प्रतिमा समोर आली आहे. ही प्रतिमा अमेरिकन मॅक्सर टेक्नॉलॉजी कंपनीने प्रसिद्ध केली असून, त्यात तांगशान शहरातील स्मशानभूमीबाहेर लागलेली वाहनांची रांग दिसते. चीनच्या स्मशानभूमींत मृतदेहांचा ढीग साचला असून, आता हॉटेललाच स्मशान बनविण्याची चीनची योजना आहे.
डिसेंबरच्या उत्तरार्धात आणि जानेवारीच्या सुरुवातीस मॅक्सरने घेतलेल्या आणि सीएनएनने पुनरावलोकन केलेल्या प्रतिमा – बीजिंगच्या बाहेरील भागात अंत्यसंस्काराचे घर दर्शविते,तसेच बाहेर वाट पाहत असलेल्या वाहनांच्या रांगा दिसतात. कुनमिंग, नानजिंग, चेंगडू, तांगशान आणि हुझोउ येथे अंत्यसंस्कार करण्यासाठी जागा अपुरी पडत असल्याचे चित्र आहे.
चिनी अधिकाऱ्यांनी सोशल मीडियावरून शोक करणाऱ्यांचे बहुतांश व्हिडिओ आणि स्मशानभूमीच्या लांबलचक रांगा सेन्सॉर केल्या असल्या, तरी अलीकडील उपग्रह प्रतिमा कोविडमुळे होणाऱ्या मृत्यूंच्या वाढीचा ठोस पुरावा आहेत.
