बहिणीच्या दारू पिण्याच्या सवयीमुळे भावानेच केला तिचा खून; मृतदेह घरातच पुरला…

 

उत्तर प्रदेश, लोकशाही न्यूज नेटवर्क;

 

भाऊ-बहिणीच्या नात्याला तडा गेल्याची घटना उत्तर प्रदेशातील बरेली येथून समोर आली आहे. वास्तविक, एका भावाने आपल्या सख्ख्या बहिणीची हत्या केली आणि नंतर घरात खड्डा खणून तिचा मृतदेह पुरला. एवढेच नाही तर बहिणीचा मृतदेह खड्ड्यात पुरल्यानंतर आरोपी भावाने फरशी बसवली. त्याच्या माहितीवरून पोलिसांनी आरोपीला अटक करून मृतदेह ताब्यात घेतला.

काय आहे संपूर्ण प्रकरण?

मिळालेल्या माहितीनुसार, राणी असे मृताचे नाव आहे. राणीचे लग्न झाले होते आणि ती तिच्या पतीसोबत उत्तराखंडमधील रुद्रपूर येथे राहत होती. १५ मार्च रोजी मयत मुलगी तिचा मोठा भाऊ लखन याच्या घरी आली होती. मात्र दुसऱ्या दिवसापासून त्याची बहीण दिसली नाही. यानंतर लखनने सुभाष नगर पोलिस ठाण्यात बहिण बेपत्ता झाल्याची तक्रार दाखल केली. त्यानंतर पोलिसांनी राणीचा शोध सुरू केला आणि आज म्हणजेच ३ एप्रिल रोजी राणीचा मृतदेह तिचा धाकटा भाऊ रामू याच्या घरातून सापडला.

पोलिसांनी काय सांगितले?

सीओ सिटी पंकज श्रीवास्तव यांनी मीडियाशी बोलताना सांगितले की, लखन नावाच्या व्यक्तीने पोलिसांना तक्रार दिली होती की, त्याची बहीण १५ मार्चला आली होती आणि तेव्हापासून बेपत्ता आहे. या प्रकरणी बरीच चौकशी करण्यात आली. यानंतर आज त्याच्या धाकट्या भावाची यात भूमिका असल्याचा सुगावा लागला. लहान भावाच्या चौकशीत त्याने 15 मार्चच्या रात्री बहिणीची हत्या करून मृतदेह घरातच लपवून ठेवल्याचे उघड झाले.

आरोपीने बहिणीची हत्या का केली?

पोलिसांनी आरोपीला हत्येचे कारण विचारले. पोलिसांना दिलेल्या जबानीनुसार, बहिणीला दारू पिण्याची सवय होती. जर ती दारूच्या नशेत फिरत असेल तर तिचा अनादर होईल असे त्याला (रामू) वाटले. याच कारणावरून त्याने बहिणीची हत्या केली.