लोकशाही न्यूज नेटवर्क
बोदवड शहरातील वंजारी वाड्यात घराचे बांधकाम सुरु असून, येथे स्लॅब टाकण्याचे काम सुरु होते. स्लॅब टाकतांना वर जाणारी क्रेन अचानक तुटली. यावेळी जेवणासाठी घरी जात असलेल्या तरुणाच्या अंगावर पडल्याने त्याचा मृत्यू झाल्याची घटना घडली. ही दुर्दैवी घटना बोदवड येथे २४ डिसेंबरला घडली.
प्रकाश नारायण पालवे (वय ३७, राहणार वंजारी वाडा) असे घटनेतील मृत तरुणाचे नाव आहे. प्रकाश पालवे याच्या घरची परिस्थिती हलाकीची आहे. दरम्यान तो कपाशीची गाडी भरण्यासाठी गेलेला होता. दुपारी साडेबारा ते एकच्या दरम्यान तो जेवण कारण्यासाटःई घरी जात होता. यावेळी घराजवळच शेजारी बांधकाम चालू होते. स्लॅब टाकण्याचे काम क्रेन मशीनने सुरु होते. यावेळी प्रकाश हा घरी जेवणाला जात असतांना लोखंडी क्रेनचा छावडा अचानक त्याच्या अंगावर तुटून पडला. यात त्याचा मृत्यू झाला.
