लोकशाही न्यूज नेटवर्क
महापालिकेतर्फे अजिंठा चौफुली ते नेरिनाका दरम्यानच्या रस्त्यांचे काँक्रिटीकरण सुरु आहे. दरम्यान या मार्गाची वाहतूक एकेरी केली आहे. वाहतूक एकेरी केल्याने या रस्त्यावर वाहतुकीची प्रचंड कोणती होत आहे. यात वाहनधारकांना वाहने नेताना कसरत करीत वाहने न्यावे लागत आहे.
या रस्त्यावर शनिवारी (दि.२३) जामनेरकडून येणारी रुग्णवाहिका अडकली होती. इर्मजिन्सी हॉर्न देवूनही रुग्णवाहिकेला पुढे जाण्यास जागा देण्यात आली नाही. रुग्णवाहिकेच्या वाहनधारकांनी कसरत करीत पंधरा ते वीस मिनिटांनी कोंडीतून मार्ग काढत रुग्णाला जिल्हा रुग्णालयात दाखल करण्यात आले.
महापालिकेतर्फे नेरी नाका ते अजिंठा चौफुली दरम्यान स्मशानभूमीकडील बाजूच्या रस्त्याचे काँक्रिटीकरण सुरु केले आहे. वाहनधारकांना यामुळे वाहने सुरळीत चालविणेशक्य होणार असले तर आता दिवसभर या रस्त्यावर वाहतुकीची प्रचंड कोंडी होते. या रस्त्यावरून अनेक ट्रक, डंपर, गुडसची वाहने, दुचाकी, छोट्या चारचाकी वाहने दररोज वाहतात.