सातारा, लोकशाही न्यूज नेटवर्क
सातारा जिल्ह्यातील मान खटाव विधानसभा मतदारसंघाचे भाजप आमदार जयकुमार गोरे यांच्या गाडीला भीषण अपघात झाल्याचे वृत्त आहे. फलटण येथे आज सकाळी साडेपाच वाजेच्या सुमारास हा अपघात झाला. या अपघातात आमदार गोरे गंभीर जखमी झाले असून त्यांना तातडीने उपचारासाठी पुणे येथील रुग्णालयात दाखल करण्यात आलं आहे.
भाजपचे आमदार जयकुमार गोरे यांच्या गाडीला भीषण अपघात झाल्याची माहिती आहे. फलटणजवळील पुणे पंढरपूर रस्त्यावर मलठण येथील स्मशानभूमीजवळ ही घटना घडली.#BJP #Satara #JaykumarGore #CarAccident #JaykumarGoreNews #ViralVideo #SataraNews #SataraBrecking pic.twitter.com/ETVfPT4HFa
— Satish Daud Patil (@Satish_Daud) December 24, 2022
त्यांच्यावर पुण्यातील रुबी हॉस्पिटलमध्ये उपचार सुरु असून डॉ. कपिल झिरपे यांनी जयकुमार गोरे यांच्या प्रकृतीसंदर्भात माध्यमांना माहिती दिली. ते म्हणाले, सुदैवाने जयकुमार गोरे यांना अपघातात जास्त दुखापत झालेली नाही. ते शुद्धीवर आले असून आता बोलत देखील आहे. त्यांची पल्स आणि बीपी व्यवस्थित आहे. छातीला थोडासा मार लागला आहे.पॅनिक व्हायची गरज नाही.पेनकिलर दिल्याने त्यांना बरं वाटत आहे, असं डॉ. झिरपे यांनी सांगितलं आहे.
असा झाला गोरे यांच्या गाडीचा अपघात
आमदार जयकुमार गोरे हे पुण्याहून आपली गावी दहिवडीकडे जात होते. सकाळी साडेपाच वाजता त्यांची गाडी फलटण येथील बानगंगा नदीच्या पुलावर आली असता, चालकाचे गाडीवरील नियंत्रण सुटल्याने गाडी थेट 30 फूट खोल खड्ड्यात कोसळली. यावेळी गाडीमध्ये जयकुमार गोरे यांच्यासह चार जण प्रवास करत होते. या अपघातात गोरे यांच्यासह त्यांचे अंगरक्षक आणि चालकही गंभीर जखमी झाले. अपघाताची माहिती मिळताच पोलिसांनी तातडीने घटनास्थळी धाव घेत जखमी अवस्थेत असलेल्या आमदार जयकुमार गोरे यांच्यासह चार जणांना उपचारासाठी तातडीने पुण्यातील रुबी हॉस्पिटलमध्ये दाखल करण्यात आलं.
