नवी दिल्ली, लोकशाही न्यूज नेटवर्क
रिझर्व्ह बँक ऑफ इंडियाने मोठा निर्णय घेतला असून ही बातमी बँक कर्मचाऱ्यांसाठी महत्त्वाची आहे. रिझर्व्ह बँक ऑफ इंडियाने अधिसूचनेत दिलेल्या आदेशानुसार, 31 मार्च 2024 रोजी रविवार असूनही सर्व बँका खुल्या राहतील. 2023-24 या आर्थिक वर्षाचा शेवटचा दिवस असल्याने सरकारला सर्व व्यवहारांचा हिशेब ठेवण्यात कोणतीही अडचण येऊ नये म्हणून RBIने हा निर्णय घेतला आहे.
आरबीआयने जारी केलेल्या अधिसूचनेनुसार, भारत सरकारने सरकारी पावत्या आणि देणी हाताळणाऱ्या बँकांच्या सर्व शाखा 31 मार्च 2024 (रविवार) रोजी सुरु ठेवण्याची विनंती केली आहे, जेणेकरून आर्थिक वर्ष 2023 मधील पावत्या आणि पेमेंटशी संबंधित सर्व व्यवहार व्यवस्थित ठेवता येतील. भारतीय रिझर्व्ह बँक केंद्र आणि राज्य सरकारचा बँकिंग व्यवसाय त्यांच्या स्वत: च्या कार्यालये आणि एजन्सी बँकांद्वारे करते. या बँका रविवारी सुरु असणार आहेत.
बँकांची यादी
सार्वजनिक क्षेत्रातील बँका, बँक ऑफ बडोदा, बँक ऑफ इंडिया, बँक ऑफ महाराष्ट्र, कॅनरा बँक, सेंट्रल बँक ऑफ इंडिया, इंडियन बँक, इंडियन ओव्हरसीज बँक, पंजाब आणि सिंध बँक, पंजाब नॅशनल बँक, स्टेट बँक ऑफ इंडिया, युको बँक, युनियन बँक ऑफ इंडिया, खाजगी क्षेत्रातील बँका, ॲक्सिस बँक लिमिटेड, सिटी युनियन बँक लिमिटेड, डीसीबी बँक लिमिटेड, फेडरल बँक लिमिटेड, एचडीएफसी बँक लिमिटेड, ICIC बँक लिमिटेड, IDBI बँक लिमिटेड, IDFC फर्स्ट बँक लिमिटेड, इंडसइंड बँक लिमिटेड, जम्मू आणि काश्मीर बँक लिमिटेड, कर्नाटक बँक लिमिटेड, करूर वैश्य बँक लिमिटेड, कोटक महिंद्रा बँक लिमिटेड, आरबीएल बँक लिमिटेड, साउथ इंडियन बँक लिमिटेड, येस बँक लिमिटेड, धनलक्ष्मी बँक लिमिटेड, बंधन बँक लिमिटेड, CSB बँक लिमिटेड, तामिळनाडू मर्कंटाइल बँक लिमिटेड
आयकर कार्यालये देखील सुरू
तसेच प्राप्तिकर विभागाने आपली सर्व कार्यालये खुली ठेवण्याचा निर्णय घेतला होता. गुड फ्रायडेसह शनिवार आणि रविवारच्या सुट्ट्याही विभागाने रद्द केल्या होत्या. गुड फ्रायडेमुळे आयकर विभागाने या महिन्यात येणारा लाँग वीकेंड रद्द केला होता. गुड फ्रायडे 29 मार्च रोजी आहे. 30 मार्चला शनिवार आणि 31 मार्चला पुन्हा रविवार आहे. त्यामुळे 3 दिवसांची मोठी सुट्टी होती. त्यामुळे विभागाची अनेक कामे आर्थिक वर्षअखेर रखडणार होती. 2023-24 हे आर्थिक वर्ष 31 मार्च रोजी संपणार आहे. त्यामुळे 29, 30 आणि 31 मार्च रोजी देशभरातील आयटी कार्यालये सुरू राहतील, असे आयकर विभागाने म्हटले आहे.
