नवी दिल्ली, लोकशाही न्यूज नेटवर्क;
भारतीय कुस्ती महासंघाचे नवे अध्यक्ष म्हणून संजय सिंगच्या नावाची घोषणा झाल्यापासून अनेक भारतीय कुस्तीपटू त्याला सतत विरोध करताना दिसले, त्यात साक्षी मलिकने सर्वप्रथम कुस्तीतून निवृत्तीची घोषणा करून सर्वांना चकित केले होते. ऑलिम्पिक पदक विजेता बजरंग पुनिया याने कुस्तीतून निवृत्ती जाहीर केली. आता त्याने त्याचा पद्मश्री पुरस्कार परत करण्याची घोषणा केली आहे, ज्यात त्यानी सोशल मीडिया प्लॅटफॉर्म ट्विटरवर एक दीर्घ विधान देखील जारी केले आहे.
कुस्तीपटू बजरंग पुनियाने आपला पद्मश्री पुरस्कार परत केल्यानंतर सोशल मीडियावर जारी केलेल्या निवेदनात त्याने लिहिले की, मी माझा पद्मश्री पुरस्कार पंतप्रधानांना परत करत आहे, हे फक्त माझे म्हणणे आहे आणि हे माझे विधान आहे. बजरंगने आपल्या निवेदनात लिहिले की, माननीय पंतप्रधान, आशा आहे की तुम्ही निरोगी असाल. तुम्ही देशसेवेत व्यस्त असाल. तुमच्या व्यस्त वेळापत्रकात मला तुमचे लक्ष आमच्या कुस्तीकडे वेधायचे आहे. तुम्हाला माहिती असेलच की या वर्षी जानेवारी महिन्यात देशातील महिला कुस्तीपटूंनी कुस्ती संघटनेचे प्रभारी ब्रिजभूषण सिंग यांच्यावर लैंगिक छळाचे गंभीर आरोप केले होते. त्या महिला कुस्तीपटूंनी जेव्हा आंदोलन सुरू केले तेव्हा मीही त्यात सामील झालो. सरकारने ठोस कारवाई करण्याचे सांगितल्यावर आंदोलक पैलवान जानेवारीत आपापल्या घरी परतले. पण तीन महिने उलटूनही जेव्हा ब्रिजभूषण विरोधात एफआयआर नोंदवला गेला नाही, तेव्हा एप्रिल महिन्यात आम्ही कुस्तीपटू पुन्हा रस्त्यावर उतरलो आणि दिल्ली पोलिसांनी निदान ब्रिजभूषण सिंह यांच्यावर एफआयआर नोंदवावा म्हणून आंदोलन केले. पण तरीही काही घडले नाही म्हणून आम्हाला कोर्टात जाऊन एफआयआर दाखल करावा लागला. जानेवारीमध्ये तक्रार करणाऱ्या महिला कुस्तीपटूंची संख्या १९ होती, ती एप्रिलपर्यंत कमी झाली आहे. म्हणजेच या 3 महिन्यांत आपल्या ताकदीच्या जोरावर ब्रिजभूषण सिंह याच्या विरोधातील न्यायाच्या लढाईत असलेल्या 12 महिला कुस्तीपटू माघारी परतले. हे आंदोलन 40 दिवस चालले, या 40 दिवसांत आणखी एक महिला कुस्तीगीर माघारली. आमच्या सर्वांवर खूप दबाव होता, आमच्या निषेध स्थळाची तोडफोड करण्यात आली आणि आमचा दिल्लीतून पाठलाग करण्यात आला आणि आम्हाला निषेध करण्यास मनाई करण्यात आली. जेव्हा हे घडले तेव्हा आम्हाला काय करावे हे सुचत नव्हते. त्यामुळे आम्ही आमची पदके गंगेत टाकण्याचा विचार केला, तिथे गेल्यावर आमचे प्रशिक्षक साहिबान आणि शेतकर्यांनी आम्हाला तसे करू दिले नाही. त्याचवेळी तुमच्या एका जबाबदार मंत्र्याचा फोन आला आणि आम्हाला परत येण्यास सांगण्यात आले.
मैं अपना पद्मश्री पुरस्कार प्रधानमंत्री जी को वापस लौटा रहा हूँ. कहने के लिए बस मेरा यह पत्र है. यही मेरी स्टेटमेंट है। 🙏🏽 pic.twitter.com/PYfA9KhUg9
— Bajrang Punia 🇮🇳 (@BajrangPunia) December 22, 2023
संजय सिंह हे ब्रिजभूषण सिंह यांच्या छावणीतील मानले जातात.
भारतीय कुस्ती महासंघातील पुरूष आणि महिला कुस्तीपटूंनी अनेक वर्षांपासून माजी अध्यक्ष ब्रिजभूषण सिंग यांच्यावर अनेक गंभीर आरोप केले होते आणि त्यांच्याविरोधात आंदोलनही केले होते. त्याचबरोबर कुस्ती संघाचे नवे अध्यक्ष म्हणून नियुक्त झालेले संजय सिंग हे देखील ब्रिजभूषण सिंग यांचे निकटवर्तीय मानले जात असल्याने पहिलवानांमध्ये पुन्हा एकदा नाराजी दिसून येत आहे.
