जळगाव जिल्ह्यात ५९६ लाभार्थ्यांना ३७ कोटीचे वितरण
जळगाव;- अण्णासाहेब पाटील आर्थिक मागास विकास महामंडळामार्फत जळगाव जिल्ह्यात ५९६ लाभार्थ्यांना ३७ कोटी रुपयांचे कर्ज विविध बँकामार्फत वाटप करण्यात आले असून या कर्जाच्या व्याजापोटी होणारी ५ कोटी ६८ लाख रुपयांची सबसिडी लाभार्थींच्या खात्यात जमा झालेली आहे.
महामंडळच्या योजनांचा व जळगाव जिल्ह्यातील बँकांचा आढावा घेण्यासाठी महामंडळाचे अध्यक्ष नरेंद्र पाटील, (मंत्री दर्जा) हे १६ जुन, २०२३ रोजी जळगाव जिल्हा दौऱ्यावर येत आहे. श्री. पाटील यांच्या उपस्थितीत व जिल्हाधिकारी अमन मित्तल यांचे अध्यक्षतेखाली जिल्हाधिकारी कार्यालयातील अल्पबचत भवन येथे सकाळी ११.३० वाजता आढावा बैठक आयोजित करण्यात आल्याचे महामंडळाचे जिल्हा समन्वयक दिपक बोरसे यांनी प्रसिध्दी पत्रकान्वये कळविले आहे.
