यावल, लोकशाही न्यूज नेटवर्क
यावल तालुक्यातील नायगाव येथे एका तरुणीशी प्रेमसंबंध ठेवुन तरूणीस लग्न करण्यासाठी जिवे ठार मारण्याची धमकी देवुन विनयभंग करणाऱ्या जळगावच्या तरूणावर तरुणीच्या फिर्यादीवरून यावल पोलीसात गुन्हा दाखल करण्यात आला आहे.
नायगाव तालुका यावल येथील राहणारी २२ वर्षीय तरुणी ही जळगाव येथे शिक्षणासाठी नातेवाईक राहत आहे. तिला शांताराम श्रावण ठाकुर (रा. शिरसोली ता. जि. जळगाव) या तरूणाने जुलै २०१८ ते २७ नोव्हेंबर २०२१या कालावधी दरम्यान जवळीक वाढवली. जळगाव येथे क्लासेसला जात येत असतांना तिच्या घरी नायगाव येथे येवुन व जळगाव येथे वेळोवेळी प्रेमसंबंध ठेवुन जवळकी साधुन फिर्यादी तरुणीच्या घरी जावुन माझ्याशी लग्न कर अशी मागणी करून अट घातली व तू जर माझ्याशी लग्न केले नाही तर तुला व तुझ्या कुटुंबास जिवंत सोडणार नाही असा दम दिला.
दरम्यान, घाबरलेल्या तरूणीने शांताराम ठाकुर या तरूणाविरूद्ध यावल पोलीस स्टेशन मध्ये फिर्याद दिल्याने पोलीसात भाग ५ गुरन२०३ / २०२१ भा. द. वी. ३५४ ( अ ) ५०६, ५०७ प्रमाणे गुन्हा दाखल करण्यात आला आहे. याप्रकरणी पुढील तपास पोलीस उपनिरिक्षक जितेन्द्र खैरनार यांच्या मार्गदर्शनाखाली सहाय्यक फौजदार विजय पाचपोळे हे करीत आहे.
