वडोदरा, लोकशाही न्यूज नेटवर्क;
गुजरातमधील वडोदरा येथे बोट उलटल्याने मोठी दुर्घटना घडली आहे. हरणी मोतनाथ तलावात मुलांना घेऊन जाणारी बोट उलटल्याची माहिती आहे. अनेक मुले पाण्यात बुडाली आहेत. प्राथमिक माहितीनुसार, आतापर्यंत 9 मुलांचा बुडून मृत्यू झाला आहे. अनेक मुले बेपत्ता असल्याची माहिती आहे. मृतांमध्ये दोन शिक्षकांचाही समावेश आहे.
#WATCH | Gujarat: A boat carrying children capsized in Vadodara's Harni Motnath Lake. Rescue operations underway. pic.twitter.com/gC07EROBkh
— ANI (@ANI) January 18, 2024
मुलं नौकानयनासाठी आली होती
मिळालेल्या माहितीनुसार, शाळेतील एक शिक्षक शाळकरी मुलांसोबत हरणी मोतनाथ तलावात नौकानयनासाठी आले होते. बोटीत 23 मुले आणि चार शिक्षक होते. म्हणजे बोटीत 27 जण होते. आतापर्यंत एकूण 11 जणांचे मृतदेह बाहेर काढण्यात आले आहेत. यामध्ये 9 मुले आणि दोन शिक्षक असल्याचे सांगण्यात येत आहे. उर्वरित 16 जणांचा शोध सुरू आहे. बचावकार्य सुरू आहे. बोट चालवणाऱ्या व्यक्तीबाबत अद्याप कोणताही सुगावा लागलेला नाही.
हर्णी मोटनाथ तलावात नौकानयनासाठी आलेली मुले कोणत्या शाळेतील होती याची माहिती अद्याप उपलब्ध झालेली नाही. बचावकार्य आटोपल्यानंतर मृतांची ओळख पटवून त्यांच्या कुटुंबीयांना कळवले जाईल, असे पोलिसांचे म्हणणे आहे. सध्या प्रशासनाचे लक्ष बचाव कार्यावर आहे.