नागपूर, लोकशाही न्यूज नेटवर्क
भाजपचे (BJP) नेते आणि केंद्रीय मंत्री नितीन गडकरी (Nitin Gadkari) यांना जीवे मारण्याची धमकी देण्यात आल्याची धक्कादायक बाब समोर आली आहे. नागपूर येथील गडकरींच्या कार्यालयात दोन वेळा फोन करून धमकी देण्यात आली आहे. अंडरवर्ल्ड डॉन दाऊद इब्राहिमच्या नावाने ही धमकी देण्यात आली असून 2 कोटी रुपये खंडणी मागितली. नितीन गडकरी यांच्या नागपूर (Nagpur) येथील खामला परिसरातील कार्यालयामध्ये सकाळी 11.30च्या सुमारास धमकीचे फोन आले.
फोन करून गडकरींना जीवे मारण्याची धमकी दिली.एकूण 3 वेळा फोन करण्यात आले होते. 11.30 आणि 12.40ला फोन आले होते. फोनमध्ये दाऊद असा उल्लेख करण्यात आला होता. 2 कोटी रुपये द्या नाहीतर जीवे ठार मारू अशी धमकी फोनवरून देण्यात आली. या फोन कॉलनंतर कार्यालयातील कर्मचाऱ्यांनी तातडीने याची माहिती पोलिसांना दिली. पोलिसांनी तातडीने गडकरी यांच्या जनसंपर्क कार्यालयाकडे धाव घेतली.
सायबर पोलिसांनकडून तपास सुरु
फोन कुठून आला, कुणी केला आणि का केला, याचा तपास पोलीस घेत आहे. सायबर पोलिसांची एक टीम सुद्धा पोहोचली आहे. हा फोन कुठून आला होता. याचा शोध घेतला जात आहे. सध्या पोलीस आणि वरिष्ठ पोलीस अधिकारी गडकरी यांच्या जनसंपर्क कार्यालयात पोहोचले आहे. आणि चौकशी करत आहे. सध्या नितीन गडकरी सुद्धा हे नागपूरमध्येच आहे. त्यामुळे कार्यालय आणि निवासस्थानाच्या सुरक्षेत वाढ करण्यात आली आहे.
