कजगाव ता. भडगाव : संतोष शिवराम पाटील (वय ३८, रा. चोपडा) यांचा चाळीसगावहून कजगावकडे येत असतांना दुचाकी दुभाजकावर आदळून सं मृत्यू झाला. ही घटना चाळीसगाव तालुक्यातील हिंगोणे गावाजवळ शनिवारी रात्री ९ वाजेच्या सुमारास घडली.
चोपडा येथील संतोष पाटील हे दुचाकीने चाळीसगाव येथून कजगावडे येत असताना हिंगोणे गावाजवळ त्यांची दुचाकी ही दुभाजकावर आदळली. या अपघातात संतोष पाटील यांच्या डोक्याला व हातापायाला गंभीर दुखापत झाल्याने त्यांचा जागीच मृत्यू झाला आहे. संतोष पाटील हे बारामती साखर कारखान्यात कर्मचारी असल्याची माहिती मिळाली. याप्रकरणी पोलिसात अकस्मात मृत्यूची नोंद करण्याचे काम रात्री उशिरापर्यंत सुरु होते.
