लोकशाही न्यूज नेटवर्क
खलिस्तानी दहशतवादी हरदीपसिंह निज्जरच्या हत्येवरून कॅनडा आणि भारतात तणाव वाढला आहे. अशातच पंजाबमधील फरार गँगस्टर सुखदुल सिंह याची कॅनडात गोळ्या झाडून हत्या करण्यात अली आहे.
या घटनेने संपूर्ण जगात खळबळ माजवली आहे. अशातच आणखी एक धक्कादायक बाब म्हणजे, लॉरेन्स बिश्नोई गँगने कॅनडातील पिनीपेग सिटीमध्ये भारतातील फरार गँगस्टर सुखदुल सिंहच्या हत्येची जबाबदारी स्विकारली आहे. लॉरेन्स बिश्नोईच्या एका फेसबुक प्रोफाईलवरून पोस्ट करत कॅनडातील गँगस्टर सुक्खा दुनुकेच्या हत्येची जबाबदारी स्विकारली आहे. तुम्ही पाहिजे तिकडे पळून जा, तुम्हाला तुमच्या पापांची शिक्षा नक्कीच मिळेल, असं म्हणत लॉरेन्स बिश्नोई फेसबुक पोस्टमधून इतर गँगस्टर्सनाही धमकी दिली आहे.
