मुंबई -अजित पवार गटाने विधीमंडळातप क्षविरोधी कृती केल्यामुळे आपल्याला अपात्र का करु नये, अशी याचिका दाखल केली. त्यानंतर याबाबत म्हणणे मांडण्यासाठी विधीमंडळाने शरद पवार गटातील आमदारांना नोटीस बजावली आहे. आतापर्यंत शरद पवार गटातील 10 आमदारांना नोटीस बजावण्यात आली आहे. याआधी जयंत पाटील, जितेंद्र आव्हाड यांना नोटीस बजावली होती. आता पुन्हा आठ आमदारांना नोटीस बजावण्यात आली.
शरद पवार गटातील अशोक पवार आणि मानसिंग नाईक यांना मात्र अद्याप कोणतीही नोटीस बजावण्यात आली नाही. तसेच नवाब मलिकांनी तटस्थ राहण्याची भूमिका घेतल्यामुळे त्यांनी देखील कोणतीही नोटीस बजावली नाही.
यांना बजावली नोटीस
अनिल देशमुख, राजेश टोपे, सुनिल भुसारा, प्राजक्त तनपुरे, रोहित पवार, सुमन पाटील, बाळासाहेब पाटील, संदीप क्षिरसागर या आमदारांना विधीमंडळाने नोटीस बजावली आहे. शिवसेनेनंतर राष्ट्रवादी पक्षात फुट पडली आणि पक्षावर दावा करण्यात आल्याने पक्ष नाव आणि चिन्ह यांची लढाई सुरु आहे.
