अहमदाबाद, लोकशाही न्यूज नेटवर्क;
बॉलिवूडचा किंग खान म्हणजेच शाहरुख खानच्या चाहत्यांसाठी एक चिंताजनक बातमी समोर आली आहे. शाहरुख खानच्या प्रकृती अस्वास्थ्यामुळे त्याला रुग्णालयात दाखल करावे लागल्याचे वृत्त आहे. आयपीएलचा पहिला प्ले-ऑफ पाहण्यासाठी अभिनेता काल अहमदाबादला आला होता. यावेळी, कडक उन्हामुळे, उष्माघातामुळे त्याला डिहायड्रेशन झाले, त्यामुळे त्याला तात्काळ रुग्णालयात दाखल करण्यात आले.
किंग खानची टीम फायनलमध्ये पोहोचली
काल शाहरुख खानची टीम कोलकाता नाईट रायडर्स आयपीएल 2024 च्या अंतिम फेरीत पोहोचली आहे. पहिल्या क्वालिफायर सामन्यात कोलकाता नाईट रायडर्सने सनरायझर्स हैदराबादचा 8 गडी राखून पराभव केला, त्यानंतर शाहरुख खान आनंदित होता. सामना जिंकल्याचा आनंद साजरा करण्यासाठी, त्याने मैदानात प्रवेश केला आणि आपली सिग्नेचर पोज दिली, या वेळी त्याच्यासोबत त्याची मुलगी सुहाना आणि मुलगा अबरामही उपस्थित होते. आज त्याच्या लाडक्या मुलीचा वाढदिवस आहे. अशा परिस्थितीत प्रकृती अस्वास्थ्यामुळे ते आपल्या मुलीचा वाढदिवस साजरा करू शकणार नाही.