खाद्यसंस्कृती विशेष
आता तुम्ही देखील घरच्या घरी अगदी सोप्या पद्धतीने रसमलाई केक बनवू शकतात. चला तर पाहूया रसमलाई केकची रेसिपी..
साहित्य:
२०० ग्रॅम मैदा
रेडिमेड रसमलाई
१ वाटी कंडेन्स्ड मिल्क
१/३ चमचा बेकिंग पावडर
चिमूटभर सोडा
१ चमचा तेल
व्हॅनिला इसेन्स
विप क्रिम
पाणी
५० ग्रॅम पिठीसाखर
बटर
टिश्यू पेपर
कृती:
१. मैदा आणि सोडा, बेकिंग पावडर, पिठीसाखर एकत्र करून २ ते ३ वेळा चाळून घ्यावे.
२. त्यात कंडेन्स्ड मिल्क, १ चमचा तेल, वेनिला इसेन्स, २ टे.स्पून पाणी लागेल तेवढेच घालून ब्लेडंरने १०. मि. ब्लेंड करून घ्या.
३. केक भांड्यात मिश्रण काढून मिश्रण १८० डिग्रीवर २५ मिनिट मायक्रोवेव्हमध्ये ठेवून केक बेक करून घेऊन थंड झाल्यावर ३ लेयर कापून घ्या.
४. १ लेयर वर रसमलाई मधलेच दुध सगळीकडे लावून घेऊन त्यावर विप क्रिम लावून घ्यावे.
५. तसेच २ लेयर ह्याच पद्धतीत लावून केक वर डिझाइन करा.
६. रसमलाई वरती ठेवून सजावट करून घेऊन २ तास फ्रिज मधे ठेवून सेट करून घेऊन थंड झाल्यावर कापून घ्या.
टिप्स
• पिस्ता असेल तर वरून व बाजूला लावून घ्या. केक भांड्यात टिश्यू पेपर लावून मिश्रण टाकून नंतर बेक करून घ्या.
अपर्णा स्वप्निल कांबळे – नांगरे
पत्रकार/फुड ब्लॉगर
९८९२१३८१३२
