पारोळा, लोकशाही न्यूज नेटवर्क:
टिटवी तांडा येथील ४२ वर्षीय इसमाने चोरवड शिवारातील जंगलात झाडाला गळफास घेऊन आत्महत्या केल्याची घटना दि. १९ रोजी घडली आहे. याबाबत दिवा कपूरचंद पवार राहणार टिटवी तांडा यांनी पारोळा पोलिस स्टेशनला खबर दिली की, शिवदास कपूरचंद पवार (४२) याने गळफास घेऊन आत्महत्या केली. आर्थिक परिस्थिती ढासळल्याने नैराश्यातून त्यांनी कर्ज बाजारीपणाला कंटाळून आत्महत्या केल्याचे नातेवाईकांनी सांगितले. याबाबत पोलिसात खबर दिल्यावरून अकस्मात मृत्यूची नोंद करण्यात आली. त्यांच्या पश्चात पत्नी, एक मुलगी, एक मुलगा, आई-वडील, भाऊ असा परिवार आहे. पुढील तपास पारोळा पोलिस करीत आहेत