जळगाव, लोकशाही न्यूज नेटवर्क:
आज जिल्ह्यातील नवरात्रोत्सवाला अजून जोश आणि जल्लोषाला उधान आल्याशिवाय राहणार नाही. त्याचे कारण असे की, जिल्ह्यात नवरात्रोत्सवासाठी शनिवारी सकाळी ६ ते रात्री १२ वाजेपर्यंत ध्वनीक्षेपक व ध्वनीवर्धक वाजवण्यास सूट जाहीर करण्यात आली आहे. याबाबत जिल्हाधिकारी अमन मित्तल यांनी आदेश दिले आहेत.
वर्षात एकूण १५ दिवसांपैकी उर्वरित २ दिवसांपैकी नवरात्रोत्सवासाठी ही सूट देण्याचे जाहीर करण्यात आले आहे. ध्वनीक्षेपक व ध्वनीवर्धक वापराबाबतचे शासनाचे निर्देश व जिल्हाधिकारी कार्यालयाच्या आदेशात नमूद करण्यात आलेल्या अटी व शर्ती यावेळी लागू राहणार आहेत. सभागृहे, तसेच सामूहिक सभागृहे व मेजवाणी कक्ष यासारख्या बंद जागा खेरीज इतर ठिकाणी ही सूट जाहीर करण्यात आलेली आहे.
