जळगावः;- शहरातील जिल्हाधिकारी कार्यालय आवारातील जिल्हा ग्राहक मंच परिसरात एका ईलेक्ट्रीक डीपीजवळ बुधवार १० एप्रिल रोजी दुपारी १२ वाजेच्या सुमारास अनोळखी तरूणाचा संशयास्पदरित्या जळलेल्या अवस्थेतीत कुजलेला मृतदेह आढळून आला. यामुळे परिसरात एकच खळबळ उडाली.
याप्रकरणी जिल्हापेठ पोलीस ठाण्यात अकस्मात मृत्यूची नोंद करण्यात आली आहे.
शहरातील जिल्हाधिकारी कार्यालयाच्या जिल्हा ग्राहक मंच परिसरात असलेल्या इलेक्ट्रीक डीपीजवळ बुधवार दि. १० एप्रिल रोजी दुपारी १२ वाजेच्या सुमारास संशयास्पदरित्या एका अनोळखी तरूणाचा जळालेला आणि कुजलेल्या अवस्थेत मृतदेह आढळून आला. या परिसरात दुर्गंधीयुक्त वास येत असल्याने हा प्रकार उघडकीला आला.
दरम्यान, या घटनेची माहिती मिळाल्यानंतर जिल्हापेठ पोलीस ठाण्याचे पोलीस उपनिरीक्षक उल्हास चहाटे, पो.कॉ. महेंद्र पाटील यांनी घटनास्थळी धाव घेवून मृतदेहाचा पंचनामा केला.