जळगाव ;- शहरातील नशिराबाद रोडवर असणाऱ्या सोपानदेव नगरातून अज्ञात चोरट्याने दुचाकी लांबविण्याचा प्रकार १२ रोजी उघडकीस आल्याने याबाबत एमआयडीसी पोलीस स्टेशनला अज्ञात चोरट्याविरुद्ध गुन्हा दाखल करण्यात आला आहे.
याबाबत सूत्रांनी दिलेली माहिती अशी की सोपान देव नगर येथे राहणारे दिलीप पाटील हे सेवानिवृत्त कर्मचारी असून ते आपल्या परिवारासह येथे राहतात. त्यांनी त्यांची दुचाकी क्रमांक एम एच १९- सीके 74 37 ही त्यांच्या घरासमोरील अंगणात 11 सप्टेंबर रोजी रात्री ११ वाजेच्या सुमारास लावली होती. मात्र 12 सप्टेंबर रोजी सकाळी पाच वाजता दुचाकी दिसून न आल्याने ती अज्ञात चोरट्याने लांबविली असल्याचे लक्षात आले. दुचाकीचा शोध घेऊनही ती सर्वत्र शोध घेतला असता मिळून न आल्यामुळे अखेर दिलीप पाटील यांनी एमआयडीसी पोलीस स्टेशनला 16 रोजी अज्ञात चोरट्याविरुद्ध फिर्याद दिल्यावरून गुन्हा दाखल करण्यात आला आहे. तपास एमआयडीसी पोलीस करीत आहे.
