मनमाड, लोकशाही न्यूज नेटवर्क
भरधाव वाहनावरील नियंत्रण सुटल्याने येवल्याहून मनमाडकडे निघालेली कार झाडावर आदळल्याने झालेल्या भीषण अपघातात चौघा मित्रांचा जागीच मृत्यू झाला तर बालिका गंभीर जखमी झाल्याची दुर्देवी घटना घटना घडली आहे.
हा अपघात येवला रोडवरील अनकवाडे शिवारात घडला. मंगळवारी मध्यरात्रीच्या सुमारास हा अपघात झाला. हा अपघात इतका भीषण होता की कार अक्षरशः चक्काचूर झाली. या अपघातात तौफिक शेख, दिनेश भालेराव, प्रवीण सकट, गोकुळ हिरे चार मित्र जागीच ठार झाले. अजय वानखेडे हा गंभीर जखमी झाला असून त्याच्यावर मनमाडच्या उपजिल्हा रुग्णालयात प्राथमिक उपचार करून पुढील उपचारासाठी नाशिकला हलविण्यात आले.
