नाशिक, लोकशाही न्यूज नेटवर्क
सध्या गेल्या काही दिवसापासून मुले पळवणारी टोळी फिरत असल्याची अफवा पसरली आहे. त्यामुळे सर्वत्र भीतीचे वातारण निर्माण झालेय. सांगली, पालघरमध्ये तर साधूंना मुले पळवणारी टोळी समजून बेदम मारहाण करण्यात आली होती.
*बुरखा घालून प्रेयसीला भेटला अन् नागरिकांनी चोपला..
*सविस्तर वाचा*👇https://t.co/cep35wV3Jk
~~~~~~~~~~~~~~~~#Nashik #ViralVedio pic.twitter.com/zcp1Kjk5Xb— LOKSHAHI (@elokshahi) September 25, 2022
सोशल मीडियावर व्हायरल होत असलेले व्हिडीओमध्ये एक महिला बुरखा घालून मुलांना पळवून नेत आहे. हा व्हिडीओ प्रचंड व्हायरल होत आहे. ही अफवा असली तरी याचा मोठा फटका एका प्रियकराला बसला आहे. नाशकमध्ये एका प्रियकराला मुले पळविणारा समजून स्थानिक नागरिकांनी त्याला बेदम बदडल्याची घटना घडली आहे.
मुलं पळविणारा असल्याचं समजून एकाला बेदम मारहाण करण्यात आली आहे. ही घटना नाशिकच्या वडाला गाव येथे घडली. एक प्रियकर आपल्या प्रेयसीला भेटण्यासाठी आला आणि स्थानिकांनी त्याला मुलं पळविणारा समजून बेदम मारहाण केली आहे. कारण हा प्रियकर आपल्या प्रेयसीला भेटण्यासाठी चक्क बुरखा परिधान करुन आला होता त्यामुळे हा व्यक्ती मुलं पळविणारा असल्याचा संशय स्थानिक नागरिकांना आला. त्यात सोशल मीडियावरील अफवेमुळे त्यांचा हा गैरसमज अधिकच वाढला आणि त्यांनी प्रियकराला चोर समजून बेदम मारहाण केली.
यावेळी मोठी गर्दी जमली होती. सुदैवाने येथून पोलिसांची गाडी जात होती. जमलेली गर्दी पाहताच पोलिसांची याठिकाणी हस्तक्षेप केला आणि त्या जमावातून प्रियकराला बाहेर काढले. या प्रियकराची चौकशी केल्यानंतर हा संशयित आपल्या प्रेयसीला भेटण्यासाठी आला असल्याची माहिती उघड झाली.
