हिमाचल प्रदेश, लोकशाही न्यूज नेटवर्क:
हिमाचल प्रदेशातील कुल्लू येथे पर्यटकांचे वाहन दरीत कोसळून इंडियन इन्स्टिट्यूट ऑफ टेक्नॉलॉजी (आयआयटी) वाराणसीच्या तीन विद्यार्थ्यांसह दहा पर्यटकांचा मृत्यू झाला. स्थानिक अधिकाऱ्यांनी सोमवारी ही माहिती दिली. बंजार उपविभागातील घियाघी येथे रविवारी रात्री झालेल्या या घटनेत अन्य दहा जण जखमी झाले.
पाच जखमींना कुल्लूच्या झोनल हॉस्पिटलमध्ये उपचारासाठी दाखल करण्यात आले आहे. कुल्लू जिल्ह्याचे उपायुक्त आशुतोष गर्ग यांनी सांगितले की, प्राथमिक अहवालानुसार वाहनामध्ये चालकासह 17 लोक होते.
पीएम मोदींनी ट्विट करून या घटनेवर शोक व्यक्त केला आहे. त्यांनी लिहिले की, ‘हिमाचल प्रदेशातील कुल्लू येथे पर्यटकांचे वाहन खड्ड्यात पडल्याची घटना अत्यंत दुःखद आहे. या दुर्घटनेत ज्यांनी आपले प्रियजन गमावले आहेत त्यांच्या कुटुंबियांप्रती मी मनापासून संवेदना व्यक्त करतो, तसेच जखमींना सर्वतोपरी मदत केली जात आहे आणि ते लवकरात लवकर बरे व्हावेत अशी मी प्रार्थना करतो.
हिमाचल प्रदेश के कुल्लू में टूरिस्ट वाहन के खाई में गिरने की घटना अत्यंत दुखदायी है। इस दुर्घटना में जिन्होंने अपनों को खो दिया है, उनके परिजनों के प्रति मैं गहरी संवेदना प्रकट करता हूं। इसके साथ ही घायलों की हरसंभव मदद की जा रही है। उनके शीघ्र स्वस्थ होने की कामना करता हूं: PM
— PMO India (@PMOIndia) September 26, 2022
त्याचवेळी राज्याचे मुख्यमंत्री जयराम ठाकूर आणि केंद्रीय मंत्री अनुराग ठाकूर यांनी या घटनेबद्दल शोक व्यक्त केला आहे. मुख्यमंत्र्यांनी ट्विट करून लिहिले की, ‘कुल्लू जिल्ह्यात एका वेदनादायक रस्ता अपघातात 7 जणांचा मृत्यू झाल्याची बातमी ऐकून खूप दुःख झाले. ईश्वर दिवंगत आत्म्यास शांती देवो आणि शोकाकुल कुटुंबियांना बळ देवो. जखमींना लवकरात लवकर आरोग्य लाभो हीच ईश्वर चरणी प्रार्थना.
जिला कुल्लू में हुए दर्दनाक सड़क हादसे में 7 लोगों की मृत्यु वाली खबर सुनकर बहुत दुःखी हूं।
ईश्वर दिवंगत आत्माओं को शांति व शोकग्रस्त परिवारजनों को संबल प्रदान करें।
घायलों को स्वास्थ्य लाभ शीघ्र प्राप्त हो, ईश्वर से ऐसी प्रार्थना करता हूं।
— Jairam Thakur (@jairamthakurbjp) September 26, 2022
कुल्लूचे पोलिस अधीक्षक (एसपी) गुरदेव सिंग यांनी सांगितले की, या घटनेत 10 जणांचा मृत्यू झाला असून 10 जण जखमी झाले आहेत. पाच जखमींना कुल्लू येथील झोनल हॉस्पिटलमध्ये पाठवण्यात आले असून पाच जणांवर बंजार येथील स्थानिक रुग्णालयात उपचार सुरू आहेत.