मनमाड, लोकशाही न्यूज नेटवर्क:
विवाहितेचा प्रसूतीनंतर उद्भवलेल्या परिस्थितीमुळे मृत्यू झाल्याची घटना चांदवड तालुक्यातील मंगरूळ येथे घडली आहे. यानंतर तिच्या नातेवाईकांनी मृतदेह थेट पोलीस ठाण्यात घेऊन जात डॉक्टरांवर गुन्हा दाखल करण्यासाठी ठिय्या आंदोलन केले.
याबाबत सविस्तर वृत्त असे की, प्रियंका निरभवणे असे मृत्यू झालेल्या महिलेचे नाव आहे. प्रियंका ही गर्भवती असल्याने तिला प्रसूतीसाठी एका खासगी रुग्णालयात दाखल करण्यात आले होते. मात्र प्रसूतीनंतर तिची प्रकृती खराब झाली. त्यानंतर उपचारादरम्यान प्रियंका हिचा मृत्यू झाला.
दरम्यान, नाराज नातेवाईकांनी डॉक्टरांवर हलगर्जीपणा केल्याचे सांगत त्यामुळेच तिचा उपचारादरम्यान मृत्यू झाल्याचा आरोप त्यांनी केला. या दरम्यान डॉक्टरांविरुद्ध गुन्हा दाखल करण्याची मागणी त्यांनी केली आहे.