जामनेर ;– शहरातील मदनी नगर भागातून २० हजार रुपये किमतीच्या तीन बकऱ्या तीन जणांनी चोरून नेल्याचा प्रकार २ डिसेंबर रोजी दुपारी ३ वाजता घडला असून याप्रकरणी दोन जणांना पोलिसांनी कारसह अटक केली. तिघांविरोधात जामनेर पोलिसांत गुन्हा दाखल करण्यात आलं आहे.
याबाबत सूत्रांनी दिलेली माहिती अशी , कि मदनी नगर परिसरात राहणारे वसीम खान हे ड्रायव्हर असून त्यांच्या घराच्या कंपाऊंडमध्ये २० हजारांच्या तीन बकऱ्या बांधलेल्या होत्या. संशयित महेंद्र उर्फ प्रमोद रामचंद्र निंबाळकर रा. बाळापूर,ता. अकोला , आकाश भीमराव मोरे रा. डबकी भोर ता. जी. अकोला आणि एक अज्ञात इसम अशा तिघांनी बकऱ्याचे दोर कापून जबरदस्तीने २ रोजी दुपारी तीन वाजता टाटा इंडिगो कारमध्ये कोंबून चोरूननेट असल्याच्या प्रयत्नांत असताना दोन जाणं पोलिसांनी अटक केलीय तसेच त्यांच्याकडून गुन्हयात वापरलेली कार जप्त करण्यात आली आहे. . याबाबत वसीम खान यांनी दिलेल्या फिर्यादीवरून तिघांविरुद्ध जामनेर पोलीस स्टेशनला गुन्हा दाखल करण्यात आला असून तपस पोहेकॉ योगेश महाजन करीत आहे.
