जळगाव, लोकशाही न्यूज नेटवर्क
जळगाव शहरातील सुप्रिम कॉलनीमधील भागात राहणारी १७ वर्षीय अल्पवयीन मुलीचे अज्ञात व्यक्तीने अपहरण केल्याची घटना उघडकीस आली आहे. याप्रकरणी गुरूवार १३ ऑक्टोबर रोजी अज्ञात व्यक्तीवर गुन्हा दाखल करण्यात आला आहे.
सुप्रिम कॉलनी परिसरातील एका भागात १७ वर्षीय मुलगी आपल्या परिवारासह राहते. गुरूवार १३ ऑक्टोबर रोजी मध्यरात्री १ ते ३ वाजेच्या दरम्यान अज्ञात व्यक्तीने पिडीत मुलीला फूस लावून पळवून नेल्याचे समोर आले. मुलीच्या नातेवाईकांनी तिचा सर्वत्र शोध घेतला परंतू ती कुठेही आढळून आलेली नाही.
दुपारी १ वाजेच्या सुमारास मुलीच्या नातेवाईकांनी एमआयडीसी पोलीस ठाण्यात तक्रार दिली. या तक्रारीवरून अज्ञात व्यक्तीवर गुन्हा दाखल करण्यात आला आहे. याप्रकरणी पुढील तपास पोलीस उपनिरीक्षक दिपक जगदाळे करीत आहे.
