क्रीडा, लोकशाही न्यूज नेटवर्क:
भारत आणि पाकिस्तान यांच्यात एकदिवसीय विश्वचषक 2023 सामना उद्या 14 ऑक्टोबर रोजी अहमदाबादच्या नरेंद्र मोदी स्टेडियमवर खेळला जाईल. या सामन्यासाठी अहमदाबादमध्ये सराव सत्रात दोन्ही संघ मेहनत करताना दिसले. दरम्यान, टीम इंडियाचा कर्णधार रोहित शर्माने भारताचा स्टार फलंदाज शुभमन गिलबाबत एक मोठे अपडेट दिले आहे. प्रकृती अस्वास्थ्यामुळे शुभमन गिल विश्वचषकाच्या पहिल्या दोन सामन्यांमध्ये प्लेइंग 11 मधून बाहेर होता, पण आता तो तंदुरुस्त दिसत आहे. त्याच्याबाबत रोहितने मोठे वक्तव्य केले आहे.
रोहित शर्माने गिलचे अपडेट दिले
टीम इंडियाचा कर्णधार रोहित शर्माने भारत-पाकिस्तान सामन्यापूर्वी पत्रकार परिषद घेतली. रोहित शर्माने या काळात अनेक गोष्टी सांगितल्या. त्याने गिलबद्दलही बोलून त्याच्या तब्येतीची माहिती दिली. यादरम्यान रोहित शर्माने स्पष्टपणे सांगितले की, अहमदाबाद येथे होणाऱ्या सामन्यात गिल ९९ टक्के उपलब्ध आहे. ज्यावरून हे स्पष्ट झाले आहे की गिल जवळजवळ पूर्णपणे तंदुरुस्त आहे आणि तो भारत विरुद्ध पाकिस्तान (India vs Pakistan) सामन्यात अॅक्शन करताना दिसणार आहे. जर गिल हा सामना खेळला नाही तर टीम इंडियाचे मोठे नुकसान होऊ शकते. गिल बुधवारी रात्री चेन्नईहून थेट अहमदाबादला पोहोचला. त्याने गुरुवार आणि शुक्रवारी सुमारे तासभर नेटवर सराव केला.
अहमदाबादमध्ये गिल महत्त्वाचा आहे…
गिलसाठी भारत आणि पाकिस्तान यांच्यातील सामन्यात टीम इंडियाच्या प्लेइंग 11 मध्ये असणे खूप महत्त्वाचे आहे. अहमदाबादमधील गिलचा विक्रम अतिशय उत्कृष्ट आहे. या मैदानावर त्याने फक्त टी-20 सामने खेळले असले तरी गिलची बॅट येथे अक्षरशः आग ओकते. या मैदानावर त्याने तीन टी-20 शतके झळकावली आहेत. त्यापैकी त्याने आयपीएलमध्ये दोन शतके झळकावली. गेल्या काही काळापासून गिल चांगलाच फॉर्मात आहे. अशा परिस्थितीत गिलला पाकिस्तानविरुद्धच्या महत्त्वाच्या सामन्यात टीम इंडियाकडून खेळणे पुरेसे आहे. 72.35 च्या सरासरीने आणि 105.03 च्या स्ट्राइक रेटसह 1230 धावा या वर्षीच्या वनडेमध्ये गिल जगभरात सर्वाधिक धावा करणारा खेळाडू आहे. मागील चार एकदिवसीय सामन्यांमध्ये त्याने दोन शतके आणि एक अर्धशतक झळकावले आहे.
