नवी दिल्ली ;- सर्च इंजिन कंपनी गुगलने जेमिनी एआय नावाचे आपले सर्वात शक्तिशाली एआय टूल लॉन्च केले आहे. तो मानवी तज्ज्ञांपेक्षा हुशार असल्याचा दावा केला जात आहे. तीन मोडमध्ये वापरण्याचा पर्याय असेल. जगातील सर्वात लोकप्रिय सर्च इंजिन कंपनी गुगलने अखेर प्रदीर्घ प्रतीक्षा आणि चाचणीनंतर आपली पुढची पिढी एआय प्रणाली जेमिनी लाँच केली आहे.
गुगलचे सीईओ सुंदर पिचाई यांच्या मते, जेमिनी ही कंपनी म्हणून गुगलने बनवलेल्या सर्वात मोठ्या अभियांत्रिकी आणि विज्ञान संबंधित उत्पादनांपैकी एक आहे. त्यांनी सांगितले आहे की गुगल एआय वर सुमारे 8 वर्षे काम करत होते आणि या आधारावर जेमिनी सर्व चाचण्या आणि सुधारणांसह तयार करण्यात आले आहे. विशेष बाब म्हणजे जेमिनी स्मार्टफोनपासून ते हाय-एंड उपकरणांमध्ये वापरता येते
Gemini AI खूप एडवान्स आहे आणि रिअल टाइममध्ये मल्टीटास्किंग करण्यास सक्षम असेल. हे एकाच वेळी टेक्स्ट, इमेज, कोड आणि व्हिडीओ अशा विविध प्रकारच्या माहितीवर काम करण्यास सक्षम असेल. याशिवाय रीजनिंग, कोडिंग आणि प्लॅनिंग अधिक चांगल्या प्रकारे समजून घेण्याची क्षमता आहे.
Gemini AI युजर्स आणि त्यांच्या गरजेनुसार तीन व्हेरिएंटमध्ये उपलब्ध करून दिलं जाईल. पहिला अल्ट्रा असेल, हाय कॉम्प्लॅक्स टास्क कंप्लीट करण्यास सक्षम असेल. याशिवाय प्रो आणि नॅनो आहेत. सुरुवातीला ते इंग्रजी भाषेत उपलब्ध असेल आणि 170 हून अधिक देशांमध्ये वापरता येईल. आगामी काळात इतर भाषांचा सपोर्ट जोडला जाईल.
गुगलचे सीईओ सुंदर पिचाई म्हणाले की, हा एक अविश्वसनीय क्षण आहे आणि आम्ही फक्त जे शक्य आहे त्याचा पृष्ठभाग स्क्रॅच केला आहे (म्हणजेच, आम्ही शक्यतांच्या केवळ एका भागापर्यंत पोहोचू शकलो आहोत).
गुगल डीपमाइंडचे वाइस प्रेसिडेंट ऑफ प्रोडक्ट एली कॉलिन्स यांनी एका ब्रीफिंग दरम्यान सांगितलं की, हे पहिलं एआय मॉडेल आहे, जे मानवी तज्ञांनी सेट केलेल्या बेंचमार्कच्या पुढे आलं आहे.
