एकनाथजी प्रोटोकॉलनुसार मुख्यमंत्री, पण आमचे नेते फडणवीसच !

ठाणे, लोकशाही न्युज नेटवर्क 

एकनाथ शिंदे मुख्यमंत्री आहेत, पण आमच्या दृष्टीने देवेंद्र फडणवीस हेच नेते आहे, असे भाजप आमदार गणेश नाईक म्हणाले. विशेष म्हणजे शिंदेच्या समोरच त्यांनी हे वक्तव्य केले. त्यामुळे नाईकांच्या वक्तव्यावर शिंदेंच्या शिवसेनेत काय प्रतिक्रिया उमटते, हे पाहणे रंजक ठरणार आहे. कोकण पदवीधर मतदारसंघाच्या निवडणुकीच्या निमित्ताने महायुतीच्या मेळाव्यात नाईक बोलत होते.

गणेश नाईक काय म्हणाले?
एकनाथ शिंदे हे राज्याचे मुख्यमंत्री आहेत. पण आमच्या दृष्टीने देवेंद्र फडणवीस इज अवर लीडर. मी हे ओपन बोलतो. प्रोटोकॉल म्हणून एकनाथ शिंदे हे महाराष्ट्र राज्याचे प्रमुख आहेतच. पण पक्षाच्या अनुषंगाने पाहिले, तर देवेंद्र फडणवीस यांच्यानुसारच भाजपचे काम चालते आणि भविष्यातही ते चालत राहणार आहे, असे गणेश नाईक म्हणाले. विधानपरिषदेच्या कोकण पदवीधर मतदारसंघातून भाजपचे उमेदवार निरंजन डावखरे यांच्यासाठी ठाणे येथे विजयी संकल्प मेळाव्याचे आयोजन करण्यात आले होते. यावेळी गणेश नाईक बोलत होते.