एरंडोल, लोकशाही न्यूज नेटवर्क
एरंडोल येथील जहांगीरपुरा भागात राहणाऱ्या विवाहितेने सुसाईड नोट लिहीत गळफास घेवून आत्महत्या केल्याची घटना उघडकीस आली. या सुसाईड नोटवरून अज्ञात व्यक्तीवर गुन्हा दाखल करण्यात आला आहे.
रुपाली विश्वनाथ पाटील (वय ३४, रा. जहांगीरपुरा, एरंडोल) या विवाहितेने २३ एप्रिल रोजी राहत्या घरात गळफास घेवून आत्महत्या केली होती. रुपाली पाटील यांनी आत्महत्या करण्यापूर्वी सुसाईड नोट लिहिली असून त्यात एका अज्ञात व्यक्तीने केलेली बदनामी सहन न झाल्याने आत्महत्या केल्याचे नमूद केले होते. मयत रुपाली हिचे पच्छात नऊ वर्षांचा मुलगा व तीन वर्षांची मुलगी, पती असा परिवार आहे.
याप्रकरणी श्रीराम राजाराम पाटील यांनी दिलेल्या तक्रारीवरून अज्ञात व्यक्ती विरोधात गुन्हा दाखल करण्यात आला. पोलीस निरीक्षक ज्ञानेश्वर जाधव, सहाय्यक निरीक्षक गणेश अहिरे यांचे मार्गदर्शनाखाली जुबेर खाटिक, अकिल मुजावर, मिलिंद कुमावत, राजेश पाटील तपास करीत आहेत.
