मुंबई, लोकशाही न्यूज नेटवर्क
काही दिवसांपासून राज्यात थंडीचा कडाका वाढला असून किमान तापमानात घट झाल्याने उत्तर महाराष्ट्रासह, उत्तर मराठवाड्यात गारठा कायम आहे. आज मध्य महाराष्ट्र, मराठवाडा, विदर्भाच्या उत्तरेकडील भागात गारठा कायम असून नागपूरमध्ये ढगाळ वातावरण आहे.
तसेच हवामान खात्याने दिलेल्या माहितीनुसार, विदर्भातील भंडारा, गोंदिया, नागपूर, चंद्रपूर आणि गडचिरोली जिल्ह्यांतील काही ठिकाणी हलका पाऊस पडण्याची शक्यता आहे. ढगाळ वातावरण आणि पारा घासरल्याने अनेक भागात धुके सदृश्य स्थिती निर्माण झाली आहे.
मुंबई, पुणे, नाशिक,कोल्हापुर, नागपूर, औरंगाबाद यासारख्या राज्यातील मुख्य शहरांमध्ये तापमानात कमालीची घसरण झाल्याने हुडहूडी वाढली आहे. तसेच येणारे पुढील दोन आठवडे थंडीचा जोर कायम असेल, अशी अधिकृत माहिती हवामान विभागाकडून देण्यात आली आहे.
IMD GFS मॉडेल्सच्या मार्गदर्शनानुसार, 8 ते 11 जानेवारी, या कालावधीत विदर्भातील काही भागांपासून सुरू होऊन राज्याच्या अंतर्गत भागात किमान तापमानात घट होण्याची दाट शक्यता आहे.
उत्तर मध्य महाराष्ट्रातील काही भाग एक अंकी देखील असू शकतात. pic.twitter.com/ToNXiR2ksR— K S Hosalikar (@Hosalikar_KS) January 3, 2023
विविध शहरातील तापमान
पुणे 32.1 (12.5), जळगाव 29 (9.8), धुळे 28 (7.8), कोल्हापूर 30.6 (19.5), महाबळेश्वर 28.7 (14.1), नाशिक 30.2(10.6), निफाड 27.4 (8.4), सांगली 31 (18.1), सातारा 31.6 (14.9), सोलापूर 33.7 (20.1), सांताक्रूझ 32.4 (16.6), डहाणू 28.3 (16), रत्नागिरी 31.7 (19.1), औरंगाबाद 30(10.6), नांदेड 30.8 (17.8), उस्मानाबाद – (15), परभणी 30.7(17), अकोला 30.8 (14.9), अमरावती 31 (14.03), बुलडाणा 29 (14.5), ब्रह्मपुरी 29.8 (15.2), चंद्रपूर 28.2 (17.4), गडचिरोली 29 (13), गोंदिया 28 (12.1), नागपूर 28.4 (13.2), वर्धा 28.2 (14.5), यवतमाळ 28.5 (16.0)
