जळगाव :- किराणा दुकानासह हॉटेलमध्ये हातसफाई करणाऱ्या अक्षय संजय कोळी (वय २१, रा. इंदिरानगर प्लॉट अडावद, ह.मु. धानोरा रोड, अडावद) याच्या स्थानिक गुन्हे शाखेच्या पथकाने मुसक्या आवळल्या. त्याच्याकडून ४ हजार २४८ रुपयांचा ऐवज जप्त करण्यात आला आहे.
शहरासह जिल्ह्यात वाढत असलेल्या घरफोडीच्या घटना उघडकीस आणण्याच्या सुचना पोलीस अधीक्षक डॉ. महेश्वर रेड्डी यांनी स्थानिक गुन्हे शाखेच्या
पथकाचे पो.नि. किसन पाटील यांनी पथक तयार करुन कारवाईसाठी रवाना केले होते. या पथकाने संशयीत अक्षय कोळी याने घरफोडी केल्याची माहिती मिळाली. त्यानुसार पथकाने संशयित अक्षय याला ताब्यात घेतले.
त्याची कसून चौकशी केल्यानंतर त्याने चोपडा शहरातील कारगील चौकातील एका हॉटेलमध्ये तर सावदा फौजपुर रोडवरील किरणा दुकानात चोरी केल्याची कबुली दिली. त्याच्याकडून ४ हजार २४८ रु पयांचा ऐवज जप्त करण्यात आला असून त्याला पुढील कार्यवाहीसाठी सावदा पोलीसांच्या स्वाधीन करण्यात आले आहे.
