यावल : – तालुक्यातील साकळी येथील माहेर असलेल्या एका १९ वर्षीय विवाहितेचा प्लॉट घेण्यासाठी माहेरून पाच लाख रुपये आणावेत, यासाठी पतीसह सहा जणांनी छळ केला. या प्रकरणी सहा जणाविरुद्ध गुन्हा दाखल केला आहे.
सानिया मिर्झा इमरान शेख (वय १९) या विवाहितेने यावल पोलिसांना दिलेल्या फिर्यादीत म्हटले आहे की, त्यांचा ८ मे २०२२ रोजी नशिराबाद येथील शेख इमरान शेख इरफान यांच्या सोबत विवाह झाला.
विवाहानंतर पती शेख इमरान, सासरे शेख इरफान शेख उमर, सासू हसीनाबी शेख इरफान, ननंद मुस्कान शेख इरफान, मोठी सासू हुसना बी शेख हारून व रईसाबी शेख मोसिन या सहा जणांनी त्यांना माहेरून प्लॉट घेण्यासाठी पाच लाख रुपये आणावे म्हणून छळ केला.
तसेच लग्नामध्ये मानपान ही दिले नाही, असे सांगत त्यांना शारीरिक आणि मानसिक त्रास देत त्यांना माहेरी सोडून दिले. या प्रकरणी विवाहितेच्या फिर्यादीवरून यावल पोलीस ठाण्यात सहा जणांविरुद्ध गुन्हा दाखल करण्यात आला आहे.
