भडगाव, लोकशाही न्यूज नेटवर्क
महात्मा फुले शिक्षण प्रसारक मंडळ भडगाव संचलित आदर्श कन्या विद्यालय व कनिष्ठ महाविद्यालयात दीपावली सणाचे औचित्य साधून कार्यानुभव व चित्रकला विषय अंतर्गत विद्यार्थिनींनी सुंदर आकाश कंदील व आकर्षक पणत्या बनविले.
अर्चना बच्छाव, वृषाली निकुंभ, अनिता जाधव, पूनम सोनवणे, सर्व कार्यानुभव, चित्रकला शिक्षक यांचे मार्गदर्शन लाभले. इयत्ता पाचवी ते आठवीच्या विद्यार्थिनींनी सुंदर आकाश कंदील व विविध पणत्यांच्या नमुन्यांचे प्रात्यक्षिक सर्व विद्यार्थिनींनी समोर सादर केले.
पर्यावरण संवर्धनासाठी मातीच्या पणत्या व घोटीव कागदाचे कंदील निर्मिती करून चायना वस्तूला पर्याय उपलब्ध करून दिला. स्वनिर्मितीचा आनंद विद्यार्थ्यांनी आपल्या आविष्कारातून छान पद्धतीने आकर्षक रंगसंगतीतून आकाश कंदील व पणत्या बनवल्या.
सहभागी विद्यार्थिनींचे मुख्याध्यापक सुरेश रोकडे, पर्यवेक्षक जी. टी. माळी, संस्थाध्यक्ष एकनाथ महाजन, मानद सचिव दीपक महाजन, उपाध्यक्ष विजय महाजन, भिकनराव महाजन, विनोद महाजन, संचालक मंडळ यांनी विद्यार्थिनींचे कौतुक व अभिनंदन केले.
