ऐनपुर ता. रावेर, लोकशाही न्यूज नेटवर्क
ऐनपुर येथून जवळच असलेल्या ऐनपुर- खिर्डी रस्त्यावर रोडरोलर आणि मोटर सायकल यांच्यात अपघात होऊन मोटर सायकल चालक जखमी झाल्याची माहिती मिळाली.
सविस्तर वृत्त असे की, तालुक्यातील ऐनपुर येथील ऐनपुर- खिर्डी रस्त्यावर 46 वर्षीय मोटर सायकल चालक आणि रोडरोलर यांच्यात अपघात होऊन मोटरसायकल चालकाच्या डोक्याला तसेच इतर ठिकाणी मार लागून मोठ्या प्रमाणावर रक्तस्राव झाला. तसेच जखमी मोटर सायकल चालकाला त्वरित ऐनपुर येथील युवक व सामाजिक कार्यकर्त्यांनी ऐनपुर येथील जवळच्या प्राथमिक आरोग्य केंद्रात उपचारासाठी आणले असता जखमी व्यक्तीला वैद्यकीय अधिकारी डॉ. सिद्धेश पाटील यांनी पुढील उपचारासाठी रावेर येथे रेफर केल्याचे समजते.
जखमी झालेला युवकाचे नाव शेखर गाढे (वय 46) असून रेंभोटा या गावाचे असल्याचे समजते.