भडगाव, लोकशाही न्यूज नेटवर्क
बोगस जडीबुटीच्या औषधाखाली २ लाख १३ हजार रूपयांची फसवणूक करणाऱ्या एका संशयित आरोपीला स्थानिक गुन्हे शाखेच्या पथकाने अटक केली आहे. पुढील कारवाईसाठी भडगाव पोलीसांच्या ताब्यात देण्यात आले आहे.
सुनिल मडकू पाटील (वय ४४, रा. पारोळा जि. जळगाव) हे कुटुंबियासह वास्तव्याला आहे. त्यांनी किरकोळ आजार होता. आजारापासून दिलासा मिळावा म्हणून त्यांनी भडगाव तालुक्यातील कोळगाव येथे एका रस्त्यावर औषधाचा विनापरवाना कॅम्प लावणाऱ्या संशयित आरोपी सुरजसिंग राजूसिंग चितोडीया रा. केसरनगर, भुसावळ याला भेटून औषधांबाबत विचारणा केली.
आपल्याकडे चांगल्या पध्दतीने औषध असल्याचे सांगितल्याने बोगस जडीबुटी देवून सुनिल पाटील यांच्याकडून वेळोवळी पैसे घेतले. फसवणूकीचा प्रकार लक्षात आल्यानंतर औषध घेणे बंद केले. त्यानंतर संशयित आरोनी अश्लिल फोटो पाठवून धमकी देत अजून १ लाख ६५ हजाराची मागणी केली. याप्रकाराला कंटाळून सुनिल पाटील यांनी भडगाव पोलीस ठाण्यात धाव घेवून तक्रार दिली होती. याप्रकरणात गुन्हा दाखल करण्यात आला होता.
संशयित आरोपी हा भुसावळ शहरात असल्याचे गोपनिय माहिती स्थानिक गुन्हे शाखेचे पोलीस निरीक्षक किरणकुमार बकाले यांच्या मार्गदर्शनाखाली संशयित आरोपी सुरजसिंग राजूसिंग चितोडीया रा. केसरनगर, भुसावळ याला अटक केली. याप्रकरणी पुढील कारवाईसाठी भडगाव पोलीसांच्या ताब्यात देण्यात आले आहे.