जळगाव, लोकशाही न्यूज नेटवर्क
जिल्ह्यात कोरोनाचा वेग मंदावला असून आज जळगाव शहरात एक कोरोना बाधित रुग्ण निष्पन्न झाला आहे. तर एकाने कोरोनावर मात केली आहे.
भारतात ओमिक्रॉन व्हेरिएंटने शिरकाव केला असून भारतात ओमिक्रॉनची लागण झालेल्यांची संख्या वाढत आहे. तर महाराष्ट्रात देखील या नवीन विषाणूचे रुग्ण आढळून येत आहेत. आतापर्यंत राज्यात ओमिक्रॉनची लागण झालेल्या 28 रुग्णांची नोंद करण्यात आली आहे. यामुळे महाराष्ट्राची चिंता वाढली आहे. म्हणून कोरोना प्रतिबंधक नियमांचे पालन करणे आवश्यक आहे.
जळगाव जिल्ह्यात होम आयसोलेशन केलेल्या पॉसिटीव्ह रुग्णांची संख्या 04 आहे. आज एका रुग्णाच्या मृत्यूची नोंद करण्यात आली आहे. तर जिल्ह्याचा रिकव्हरी दर 98. 18% आहे.