जळगाव, लोकशाही न्यूज नेटवर्क:
शहरातील २९ वर्षीय तरुणीची ऑनलाईन पद्धतीने तब्बल ५ लाख ४० हजारात फसवणूक झाल्याची घटना घडली आहे. याप्रकरणी सायबर पोलिसात गुन्हा दाखल करण्यात आला आहे.
याबाबत सविस्तर वृत्त असे कि, शहरातील रहिवासी असलेली २९ वर्षीय तरुणीला दि ९ व १० रोजी अनोळखी व्यक्तीने व्हाटसअपवर संदेश पाठवीला आणि तुम्हाला एका महाविद्यालयात पीएचडीची फी भरण्यास सागितले. यानंतर पिडीत मुलीकडून परवानगीशिवाय इंटरनेट बँकिगचे आयडी व पासवर्ड घेत बँकेतून गुप्तपणे तब्बल ४ लाख ७९ हजार तर युपीआयहून ६१ हजार लांबविले. या घटने नंतर फसवणूक झालेल्या तरुणीने तत्त्काळ सायबर पोलिसात धाव घेत अनोळखी व्यक्तीविरोधात गुन्हा दाखल केला आहे. पुढील तपास पो.नी लीलाधर कानडे हे करीत आहेत.
