नवी दिल्ली, लोकशाही न्यूज नेटवर्क
सोशल मीडियावर अनेक व्हिडीओ व्हायरल होत असतात. असाच एक व्हिडीओ समोर आला आहे. हे प्रकरण नोएडा येथील असून या व्हिडीओमध्ये एक महिला एका रिक्षाचालकाला कानाखाली मारत आहे. हा व्हिडीओ सोशल मीडियावर चांगलाच व्हायरल झाला असून या महिलेच्या कृत्यावर नेटकरी संताप व्यक्त करत आहेत.
17 slaps in 90 seconds. This lady humiliated a rickshaw puller for a minor incident happened in Noida. She reminds me Lucknow girl incident.#Noida #LaalSinghChadha #SalmanRushdie #jaihind #HarGharTringa #Pathaan #FlopLaalSinghChaddha pic.twitter.com/d5K4Lep8Mf
— Nishant Kataria ✸ (@Nishantdnd) August 13, 2022
या व्हिडिओत सदर महिला त्या रिक्षाचालकाला मारहाण करत आहे आणि रिक्षाचालक मात्र तेथे निमूटपणे उभा आहे. महिला या चालकाला त्याच्या कॉलरला धरून कारजवळ घेऊन गेली आणि त्याला थप्पड मारण्यास सुरुवात केली. या व्हिडीओमध्ये ही महिला या रिक्षाचालकाला जवळपास १७ थप्पड मारताना दिसत आहे.
नोएडा पोलिसांनी शनिवारी एका महिलेला सार्वजनिक ठिकाणी रिक्षा चालकाला मारहाण केल्याप्रकरणी अटक केली आहे. या घटनेचा व्हिडीओ सोशल मीडियावर व्हायरल झाला आहे. आरोपी महिलेचे नाव किरण सिंह असून ती नोएडा येथील रहिवासी आहे. किरणच्या वॅगन कार आणि रिक्षामध्ये झालेल्या किरकोळ अपघातानंतर ही घटना घडली. ही महिला रिक्षाचालकाला त्याच्या कॉलरने पकडून तिच्या कारवरील अपघाताच्या खुणा दाखवताना दिसत आहे. पोलिसांनी महिलेविरुद्ध गुन्हा दाखल करून तिला अटक केली आहे.
थाना फेस-2 पुलिस द्वारा ई-रिक्शा चालक के साथ मारपीट करने वाली महिला अभियुक्ता गिरफ्तार। pic.twitter.com/wyNTeEZl9G
— POLICE COMMISSIONERATE GAUTAM BUDDH NAGAR (@noidapolice) August 13, 2022
यावेळी एका अधिकाऱ्याने सांगितले, “महिला कारमधून खाली उतरली आणि तिने रिक्षाचालकाला अनेकवेळा चापट मारली.” व्हायरल व्हिडीओमध्ये आरोपी महिला केवळ ९० सेकंदात किमान १७ वेळा चालकाला थप्पड मारताना दिसत आहे.
