चेन्नई, लोकशाही न्यूज नेटवर्क
दाक्षिणात्य सिनेसृष्टीतून एक दु:खद बातमी समोर आली आहे. प्रसिद्ध दाक्षिणात्य चित्रपटसृष्टीतील सुप्रसिद्ध तमिळ संगीतकार, अभिनेता आणि निर्माता विजय अँटनी यांची मुलगी लॉराने चेन्नईतील अलवरपेट येथील राहत्या घरात गळफास घेत आत्महत्या केली आहे. ती गेली काही दिवस नैराश्याचा सामना करत असल्याचे सांगितले जात आहे. तिच्यावर उपचारही सुरू होते. पण तिने टोकाचे पाऊस उचलत स्वत:चे जीवन संपवले. तिच्या निधनावर अनेकांनी शोक व्यक्त केला आहे.
अभिनेत्याच्या मुलीने आपल्या चेन्नईतील राहत्या घरी गळफास घेतला आहे. पहाटे ३ वाजता विजय यांची मुलगी घरामध्ये मृतावस्थेत आढळली. लगेचच तिला कुटुंबीयांकडून रुग्णालयात दाखल करण्यात आलं होतं. पण उपचाराआधीच तिला डॉक्टरांनी मृत घोषित केलं. विजयची मुलगी चेन्नईतल्या एका प्रसिद्ध शाळेत शिक्षण घेत होती. मिळालेल्या माहितीनुसार ती तणावाखाली होती आणि त्यासाठी तिच्यावर उपचार सुरू होते.
घरातल्या मदतनीसाला अभिनेत्याची मुलगी मृतावस्थेत आढळून आली होती. तात्काळ तिला रुग्णालयात दाखल करण्यात आले होते. पण उपचाराआधीच तिला डॉक्टरांनी मृत घोषित केलं. विजयच्या कुटुंबामध्ये पत्नी फातिमा आणि दोन मुली असा त्यांचा परिवार आहे. विजय अँटोनी टॉलिवूडमधील एक प्रसिद्ध अभिनेता असून त्याचं स्वत: चं प्रॉडक्शन हाऊस देखील आहे.
