पंतप्रधान मोदी लिखित ‘वंदे मातरम’ गीताला जळगावच्या हांडेंनी दिले संगीत (व्हिडीओ)

जळगाव, लोकशाही न्यूज नेटवर्क 

जळगावचे संगीतकार संजय सुधाकर हांडे यांनी पंतप्रधान नरेंद्र मोदी यांच्या जीवनावर आधारित गीत रचनेची निर्मिती केली असून या गीताच्या सीडीचा लोकार्पण सोहळा आकाशवाणी रंगभवन, दिल्ली येथे मोठ्या थाटात आणि उत्साहात पार पडला. यावेळी जळगावचे प्रसिद्ध संगीतकार संजय हांडे यांचा विशेष सत्कार देखील करण्यात आला.

पंतप्रधान नरेंद्र मोदी लिखित ‘वंदे मातरम ये गीत नही ये अपनी आन बान और शान’ या गीताला आकाशवाणीचे ज्येष्ठ संगीतकार जळगाव येथील संजय हांडे यांनी संगीतबद्ध केलेल्या गिताचे आणि सीडीचे प्रकाशन काल रविवारी दिल्ली येथे करण्यात आले. नवी दिल्ली येथील आकाशवाणीच्या रंगभवन मध्ये झालेल्या कार्यक्रमाच्या अध्यक्षस्थानी राष्ट्रीय स्वयंसेवक संघाचे राष्ट्रीय कार्यकारणी सदस्य इंद्रेश कुमार होते. पंतप्रधान नरेंद्र मोदी लिखित या गीताचे निर्मिती करण्यासाठी मुस्लिम राष्ट्रीय मंच आणि मदरलैंड इंटरनॅशनल फाउंडेशनचे सहकार्य मिळाले आहे. प्रसारभारतीच्या वतीने जळगाव येथील संजय हांडे यांचा विशेष सन्मान करण्यात आला. यावेळी अंकित भारद्वाज आकाशवाणी दिल्लीचे मनोहर सिंग रावत, प्रसार भारतीचे सी.ओ. गौरव द्विवेदी आणि अनुवादिका डॉ. अंजना संधीर उपस्थित होते.