राजस्थान, लोकशाही न्यूज नेटवर्क:
प्रेम आणि युद्धात सर्वकाही न्याय्य असते,(Everything is fair in love and war) असे म्हटले जाते, परंतु जर ते लिंगाबद्दल असेल तर ते धक्कादायक ठरेल. कदाचित त्यामुळेच राजस्थानमधील एका महिलेने आपल्या प्रेमाखातर तिचे लिंग बदलून घेतले. आता राजस्थानी लोक मीराला आरव कुंतल नावाने हाक मारतात. वास्तविक, शारीरिक शिक्षिका मीरा तिचीच विद्यार्थिनी कल्पना हिच्या प्रेमात पडली होती. प्रेम इतकं वाढलं की शारीरिक शिक्षिका मीराला लिंग बदलून मुलगा झाला. 2 दिवसांपूर्वीच दोघांनी लग्नगाठ बांधल्याचं सांगण्यात येत आहे.
कल्पनाने लग्नाचा प्रस्ताव स्वीकारल्यानंतर मीराने हा मोठा निर्णय घेतल्याचे सांगितले जात आहे. लग्नानंतर दोघेही खूप आनंदी दिसत आहेत. त्याचवेळी त्यांचे कुटुंबीयही या लग्नामुळे खूप खूश आहेत. लिंग बदलल्यानंतर मीरामधून आरव बनलेल्या वराने सांगितले की, मी सरकारी शाळेत फिजिकल टीचर आहे. त्याच गावातील विद्यार्थिनी कल्पना ही खेळण्यात हुशार होती. त्या काळात आम्ही दोघे प्रेमात पडलो.
तिने पुढे सांगितले की, मला पहिल्यापासून लिंग बदलायचे होते. मी मुलगी म्हणून जन्माला आलो पण मला वाटले की मी मुलगी नाही तर मुलगा आहे, म्हणून मी माझे लिंग बदलले आणि 2 दिवसांपूर्वी माझी विद्यार्थिनी कल्पना हिच्यासोबत लग्न केले. आता आमचे कुटुंबीय आनंदी आहेत.
हे प्रकरण डीग तहसीलचे आहे, जिथे मीरा एका सरकारी शाळेत शारीरिक शिक्षिका आहे, तिच्याच शाळेत शिकणारी विद्यार्थिनी कल्पना हिच्या प्रेमात पडली. यानंतर लिंग बदलून मीरा आरव बनली आणि त्यानंतर कल्पनासोबत लग्न केले. दोघांचे लग्न दोन्ही घरच्यांच्या इच्छेने पार पडले.
राजस्थानच्या भरतपूरच्या डीग तहसीलमध्ये पार पडलेल्या या लग्नाची खास गोष्ट म्हणजे हे नाते दोन्ही कुटुंबांच्या संमती आणि आपुलकीच्या बंधनाशी संबंधित आहे, ज्यामध्ये कुटुंबासह वधू-वरांचा आनंद कायम राहिला.
