मुंबई, लोकशाही न्यूज नेटवर्क;
जेव्हा कधी एका शहरातून दुसऱ्या शहरात जावे लागते तेव्हा आपण रेल्वेची मदत घेतो. रेल्वे प्रवास अतिशय स्वस्त आणि आरामदायी आहे. या प्रवासादरम्यान आपल्याला जेवण, पाणी आणि इतर अनेक गोष्टी ट्रेनमध्येच मिळतात. आपल्याला फ्रेश होण्यासाठी बाथरूम देखील मिळते. पण तुम्हाला माहीत आहे का की ट्रेनमध्ये बाथरूम कधी बसवायला सुरुवात झाली? वास्तविक, एका भारतीयाच्या पत्रामुळे ट्रेनच्या आत बाथरूम बसवण्यात आले होते. आज आम्ही तुम्हाला त्या भारतीयाबद्दल सांगणार आहोत.
खरं तर, ब्रिटिश रेल्वेला 1919 मध्ये असे पत्र मिळाले होते, त्यानंतर ब्रिटिशांना ट्रेनमध्ये शौचालय बांधण्याचा विचार करण्यास भाग पाडले गेले. या भारतीयाचे नाव ओखिल चंद्र सेन होते. एका समस्येमुळे त्यांनी भारतीय रेल्वेला पत्र लिहिले जे आजही प्रसिद्ध आहे.
ट्विट पहा
Okhil Chandra Sen's letter to the Indian Railways (West Bengal Division) requesting to set up toilets on railway stations and trains.
Year: 1909
Interestingly, this worked. Now we have toilets in railways thanks to this man. 🙂 pic.twitter.com/KQKwAKPQsC
— Aishwarya Iyer (@aishooaaram) August 20, 2022
ओखिल चंद्र सेन यांनी पत्रात लिहिले होते की आदरणीय सर, मी ट्रेनने अहमदपूर स्टेशनवर आलो. त्यावेळी मला पोटाचा त्रास होता. मी टॉयलेट गेलो, इतक्यात ट्रेन सुरु झाली आणि माझी ट्रेन चुकली. गार्डने माझी वाट पाहिली नाही. माझ्या एका हातात भांडे होते आणि दुसर्‍या हाताने धोतर धरून मी धावत सुटलो आणि प्लॅटफॉर्मवर पडलो आणि माझे धोतरही उघडे पडले आणि तिथल्या सर्व स्त्री-पुरुषांसमोर मला लाज वाटायला लागली आणि माझी ट्रेनही चुकली. त्यामुळे मी अहमदपूर स्टेशनवरच राहिलो. टॉयलेटला गेलेल्या एका प्रवाशासाठी रेल्वे गार्ड काही मिनिटंही थांबवला नाही, ही इतकी वाईट आणि खेदाची गोष्ट आहे. मी तुम्हाला विनंती करतो की त्या गार्डला दंड आकारावा अन्यथा मी हे वर्तमानपत्रात सांगेन. तुमचा विश्वासू सेवक ओखिल चंद्र सेन.
या पत्रानंतर ब्रिटिशांनी याचा विचार करून तात्काळ गाड्यांमध्ये शौचालये बसवण्याचे आदेश दिले. ओखिल चंद्र सेन यांच्यामुळेच आज भारतीय ट्रेनमध्ये टॉयलेटची सुविधा आहे. आज आपण रेल्वेने आनंदाने प्रवास करू शकतो.
